بۇگىن ق ر پارلامەنتى ءماجىلىسىنىڭ دەپۋتاتى، AMANAت فراكسياسىنىڭ مۇشەسى سىرىم ادامبايەۆ الماتىداعى «ASSET» ج ش س پوليمەرلىك بۇيىمداردى ءوندىرۋ زاۋىتىنىڭ جۇمىسىمەن تانىسۋ جانە كاسىپورىن قىزمەتكەرلەرىمەن كەزدەسۋ بارىسىندا وسىنداي پىكىرىمەن ءبولىستى، دەپ حابارلايدى اlmaty-akshamy.kz.
«ASSET كومپانياسى» - 2009 جىلى قازاقستان مەن بۇكىل ورتا ازيا نارىعىنا ەڭ ساپالى قۇرىلىس ماتەريالدارىن جەتكىزەتىن كومپانيا. ءوزىنىڭ دامۋ كەزەڭىندە ءۇش ادامنان تۇراتىن شاعىن كاسىپورىننان قۇرىلىس ماتەريالدارى نارىعىندا 60 جۇمىسكەرى بار ءىرى وندىرىسكە دەيىنگى جولدى ءوتتى. ءقازىر زاۋىت الماتى قالاسىنىڭ يندۋستريالىق ايماعىندا ورنالاسقان، وندا 70 جوبانىڭ 19-ى ىسكە اسىرىلىپ، جىل باسىنان بەرى 3500-دەن استام جۇمىس ورنى اشىلدى. قالعان جوبالاردى 2025 جىلعا دەيىن ىسكە اسىرۋ جوسپارلانۋدا، ناتيجەسىندە اتالعان اۋماقتا الماتى قالاسىندا سايلاۋالدى باعدارلامانى ورىنداۋ جونىندەگى جول كارتاسىنا سايكەس 8 مىڭنان استام جۇمىس ورنى قۇرىلادى.
قازىرگى ۋاقىتتا زاۋىت قازاقستانداعى جەلدەتۋ، جىلۋ جانە گيدرووقشاۋلاۋ قۇرىلىس جۇيەلەرىنىڭ اراسىندا جەتەكشى ورىندا. زاۋىت سونىمەن قاتار جۋعىش زاتتاردى – كيىم جانە ىدىس جۋاتىن سۇيىق زاتتار مەن سابىن شىعارۋمەن اينالىسادى.
زاۋىت قىزمەتكەرلەرىن تىڭداپ بولعان سوڭ، پارلامەنت مۇشەسى قىزمەتكەرلەرگە قاجەتتى جاعداي جاسالعانىنا، جالاقى ۋاقىتىلى بەرىلەتىنىنە، يندۋستريالىق ايماقتا ءۇش اۆتوبۋس باعىتى جۇمىس ىستەيتىنىنە كوز جەتكىزدى. جۇمىسشىلار دەپۋتاتتان جولداردىڭ جاعدايىن جاقسارتۋدى جانە قوسىمشا جول بەلگىلەرىن قويۋدى سۇرادى.
«ءبىزدىڭ فراكسيا مۇشەلەرى قازاقستان بويىنشا كەزدەسۋلەر وتكىزۋدە. كەزدەسۋلەر ءارتۇرلى جەرلەردە وتەدى – بۇل مەكتەپتەر، اۋرۋحانالار، مۇراجايلار، زاۋىتتار جانە باسقا دا سالىنىپ جاتقان نىساندار. بۇگىن ءبىز وتاندىق ماتەريالدار شىعارىلاتىن جانە باعاسى شەتەلدەن تومەن بولاتىن يندۋستريالىق ايماققا باردىق. سونداي-اق، مۇندا ارنايى جوعارى وقۋ ورنىن اشۋ جوسپارلانۋدا، ستۋدەنتتەر ەندى تىكەلەي وندىرىستە تاجىريبەدەن وتە الادى»، - دەپ اتاپ ءوتتى س.ادامبايەۆ.
بۇگىن ماجىلىسمەندەر الماتىداعى حالىقپەن كەزدەسۋلەردى اياقتادى. ەڭبەك ۇجىمدارىمەن، جاستارمەن سويلەسۋ، ولاردىڭ پروبلەمالارىن ءبىلۋ جانە رەسپۋبليكالىق دەڭگەيدە كوتەرۋ - دەپۋتاتتاردىڭ باستى ماقساتى. ناتيجەسىندە دەپۋتاتتار ازاماتتاردىڭ تىلەكتەرى مەن ۇسىنىستارىن ەسكەرە وتىرىپ، ولاردىڭ ماسەلەلەرىن رەسپۋبليكالىق دەڭگەيدە كوتەرەدى، ال ولاردىڭ قۇقىقتىق شەشىمدەردى تالاپ ەتەتىندەرىن تالقىلاۋدان كەيىن زاڭنامالىق تۇردە بەكىتەدى.
بۇل جولى AMANAT پارتياسى فراكسياسىنىڭ مۇشەلەرى الماتى قالاسىنداعى وتىزدان استام ەڭبەك ۇجىمىندا بولىپ، مىڭعا جۋىق الماتىلىقتارمەن كەزدەستى.