قايعىلى وقيعادان كەيىن قىلمىستىق كودەكستىڭ 105-بابى («ءوزiءن-وزi ءولتiرۋگە دەيiن جەتكiزۋ») بويىنشا سوتقا دەيىنگى تەرگەۋ باستالعان.
الماتى قالاسى پوليسيا دەپارتامەنتىنىڭ رەسمي وكىلى سالتانات ازىربەكتىڭ ايتۋىنشا، بۇل وقيعاعا قاتىستى قىلمىستىق ءىس توقتاتىلدى، دەپ حابارلايدى Almaty-akshamy.kz
2021 جىلدىڭ قاراشاسىندا «جەتىسۋ» شاعىناۋدانىنداعى تۇرعىن ۇيلەردىڭ بىرىندە 28 جاستاعى ايەل 2015، 2016 جانە 2019 جىلعى بالالارىمەن بىرگە 9-شى قاباتتان سەكىرىپ كەتكەن.
كەلىنشەك پەن ەكى بالا وقيعا ورنىندا كوز جۇمدى. تاعى ءبىر بالا "جەدەل جاردەم" كولىگىندە جان تاپسىردى.
«اتالعان فاكت اۋەزوۆ اۋدانى پوليسيا باسقارماسىندا قىلمىستىق كودەكستىڭ 105-بابى («ءوزiءن-وزi ءولتiرۋگە دەيiن جەتكiزۋ») بويىنشا تىركەلدى. كەشەندى تەرگەۋ شارالارى جۇرگىزىلدى. ناتيجەسىندە قىلمىس قۇرامىنىڭ بولماۋىنا بايلانىستى قىلمىستىق ءىس توقتاتىلدى»، - دەدى سالتانات ازىربەك.