بيىل 15،1 ملن شارشى مەتر تۇرعىن ءۇي سالۋ جوسپارلانعان.
ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ ۇكىمەت وتىرىسىندا ونەركاسىپ، كولىك جانە قۇرىلىس سالالارىنداعى اعىمداعى جاعداي تۋرالى حاباردار ەتتى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
2022 جىلدىڭ قاڭتار-ناۋرىز ايلارىندا قۇرىلىس بويىنشا ناقتى كولەم يندەكسى 108،6% قۇرادى.
«تۇرعىن ءۇي قۇرىلىسىندا بيىل 1 توقساندا 2،8 ملن شارشى مەتر باسپانا پايدالانۋعا بەرىلدى. بۇل 2021 جىلدىڭ سايكەس كەزەڭىمەن سالىستىرعاندا 100،4% قۇرايدى. بۇگىنگى تاڭدا رەسپۋبليكا بويىنشا بارلىعى 23،3 مىڭ ءۇي پايدالانۋعا بەرىلدى. 15 وڭىردە ءوسىم بار. كوش باسىندا پاۆلودار، الماتى، شىعىس قازاقستان، باتىس قازاقستان جانە تۇركىستان وبلىستارى تۇر. بيىل 15،1 ملن شارشى مەتر تۇرعىن ءۇي سالۋ جوسپارلانعان»، - دەدى ق ر ييدم باسشىسى ۇكىمەت وتىرىسىندا.
2022 جىلدىڭ 1 توقسانىنىڭ قورىتىندىسىندا ەلىمىزدىڭ وڭدەۋ ونەركاسىبىندە جيىنتىق كورسەتكىش 106،5% قۇرادى.
ماشينا جاساۋ سالاسىندا اۆتوكولىك قۇرالدارىن، ترەيلەرلەر مەن جارتىلاي تىركەمەلەردى (+14،8%)، ماشينالار مەن جابدىقتاردى (+3،4%) شىعارۋ، وزگە كولىك قۇرالدارىن (+13،3%)، كومپيۋتەرلەر، ەلەكتروندىق جانە وپتيكالىق جابدىقتار (+18،3%)، سونداي-اق ەلەكتر جابدىقتارىن (+1،8%) شىعارۋ ەسەبىنەن 11،3% دەڭگەيىندە تۇراقتى ءوسىم كورسەتتى.
ءتۇستى مەتاللۋرگيادا تازارتىلعان مىس (+10%)، قۇيما التىن (+7%)، كاتودتى مىس (+4%)، تازارتىلعان التىن (+33%) شىعارۋ كولەمى ءوستى. قارا مەتاللۋرگيادا بولات (+7%)، شويىن (+6%)، ارماتۋرالىق پروكات (+24%)، رەلستەر (+32%)، فاسوندى پروكات (+55%)، فەرروسيليسيي (+2،7%) جانە بولات قۇبىرلار (2،6 ەسە) ءوندىرىسى ۇلعايدى.
قۇرىلىس ماتەريالدارى ءوندىرىسى 12،4% ارتتى. ءوسىم جىلۋ وقشاۋلاعىش ماتەريالدار (1،5 ەسە)، بەتوننان جاسالعان بۇيىمدار (+15،4%)، تاۋار بەتون (+22،8%)، كىرپىش (+17،8%) جانە قۇرىلىس ەرىتىندىلەرى (+10،7%) ءوندىرىسىنىڭ ارتۋى ەسەبىنەن بولدى.
حيميا ونەركاسىبى ءوندىرىسىنىڭ كولەمى 7،8% ءوستى. سارى فوسفور (+49%)، فوسفور-كاليي تىڭايتقىشتارى (+43%)، ازىقتىق تريكالسييفوسفات (+73%)، اممياك سەليتراسى (+10)، سۇيىق اممياك (+13%)، ازوت قىشقىلى (+8)، ەرىتىندىدەگى كۇيدىرگىش ناتريي (+28%) جانە حلور (+41) ءوندىرىسىنىڭ كولەمى ۇلعايدى.
جەڭىل ونەركاسىپتە توقىما بۇيىمدارىن (+6،6%)، كيىم (+13%) جانە بىلعارى ونىمدەرىن (+28،8%) ءوندىرۋ كولەمىنىڭ ۇلعايۋى ەسەبىنەن 10،6% ءوستى.
كولىك سالاسىندا ترانزيتتىك كونتەينەرلىك تاسىمالداردا وڭ ديناميكا ساقتالىپ، ءوسىم 7% قۇرادى. كولىكتىڭ بارلىق تۇرىمەن جۇك تاسىمالداۋ كولەمى 849،2 ملن توننا بولدى.