الما وسىرۋشىلەر يمپورتقا ۋاقىتشا تىيىم سالۋدى سۇرايدى، دەپ حابارلايدى اlmaty-akshamy.kz «حابار 24»-كە سىلتەمە جاساپ.
ويتكەنى شارۋالاردىڭ كوبى ءوزى باپتاپ وسىرگەن الماسىن وتكىزە الماي وتىر. سوندا داستارحانىمىزدا قاي ەلدىڭ ءونىمى؟ ونىڭ ساپاسى قانداي؟ ازىرگە ەلگە شەتەلدىك المانى اكەلمەۋ كەرەك.
قازاقستاندىق الما وسىرۋشىلەرى ۇكىمەتكە وسىنداي ءوتىنىش ايتتى. نارىقتا وتاندىق جەمىستەن گورى شەتەلدەن كەلەتىن ارزان الماعا سۇرانىس كوپ. دۇكەن سورەلەرىندە جۇڭگو، قىرعىزستان، پولشا، يران، وزبەكستاندىق جەمىستەر سامساپ تۇر.
الما وسىرۋشىلەرى وداعىنىڭ ءتوراعاسى بولاتبەك الييەۆ الما پىسكەن كەزدە يمپورتتى توقتاتۋ ارقىلى ءونىمدى ساقتاۋ مۇمكىندىگى جوق شاعىن شارۋاشىلىقتاردى قولداۋ قاجەت دەيدى.
شارۋالار ءونىمىن تولىق ساتا الماي، سالدارىنان شىعىنعا باتىپ جاتىر. بولاتبەك الييەۆ باعبانداردىڭ ءوندىرىس كولەمىن ارتتىرۋعا جاعداي جاساۋ كەرەك دەيدى.
بىزدەگى باعبانداردىڭ الەۋەتى زور. ەلدە جىل سايىن 10 مىڭ تونناداي الما وسىرىلەدى. ءتيىستى قولداۋ كورسەتىلسە، ونى ەكى ەسە ارتتىرۋعا بولادى. بۇلاي ىشكى نارىقتى قامتىپ قويماي، جەرگىلىكتى المانى ەكسپورتتاۋعا دا مۇمكىندىك تۋاتىن ەدى دەيدى ماماندار.