2022 جىلدىڭ I توقسانىندا مەملەكەتتىك بيۋدجەتكە 3 ترلن 739 ملرد تەڭگە سوماسىندا كىرىس ءتۇستى. بۇل تۋرالى بۇگىن ۇكىمەت وتىرىسىندا ق ر قارجى ءمينيسترى ەرۇلان جاماۋبايەۆ ايتتى، دەپ حابارلايدى اlmaty-akshamy.kz.
«وسى جىلعى ءبىرىنشى توقساننىڭ قورىتىندىسى بويىنشا، مەملەكەتتىك قارجىنىڭ اتقارىلۋ كورسەتكىشتەرى بىلاي قالىپتاستى: مەملەكەتتىك بيۋدجەتكە ترانسفەرتتەردى ەسەپكە الماعاندا 3 ترلن 739 ملرد تەڭگە سوماسىندا كىرىس ءتۇستى نەمەسە جوسپار 107،1 پايىزعا ورىندالدى»، - دەدى ول.
ءمينيستردىڭ اتاپ وتۋىنشە، رەسپۋبليكالىق بيۋدجەتكە 2،6 ترلن تەڭگەگە جۋىق كىرىس كىردى نەمەسە جوسپار 100،7 پايىزعا ورىندالدى.
كىرىس بويىنشا جوسپار 17 ملرد تەڭگەگە، ونىڭ ىشىندە سالىق 5 ملرد تەڭگەگە، سالىقتان بولەك جوسپار 12 ملرد تەڭگەگە اسىرا ورىندالىپ وتىر.
«سالىق بويىنشا اسىرا ورىنداۋدىڭ نەگىزگى سومالارى كورپوراتيۆتىك تابىس سالىعىنا، شيكى مۇنايعا ەكسپورتتىق كەدەندىك باجعا، ويىن بيزنەسىنە سالىناتىن سالىق جانە پايدالى قازبالاردى وندىرۋگە سالىناتىن سالىققا تيەسىلى بولدى»، - دەدى ەرۇلان جاماۋبايەۆ.