ءقازىر بۇزاقىلارعا 5 ايلىق ەسەپتىك كورسەتكىش تۇرىندە جازا قولدانىلادى، ال ادىلەت مينيسترلىگى اتالعان جازانى 41 ساعات قوعامدىق جۇمىسقا تارتۋمەن اۋىستىرۋ كەرەك دەگەن ۇسىنىس ايتتى، دەپ حابارلايدى Almaty-akshamy.kz 24.kz-كە سىلتەمە جاساپ.
ءماجبۇرلى ەڭبەككە تارتۋ جۇكتى جانە 3 جاسقا دەيىنگى بالالارى بار ايەلدەرگە قولدانىلمايدى. زەينەت جاسىنان اسقان ازاماتتار، ءبىرىنشى جانە ەكىنشى توپ مۇگەدەكتىگى بار ادامدار مەن اسكەري قىزمەتشىلەر دە بۇل جازاعا تارتىلمايدى. بۇل تۋرالى اكىمشىلىك زاڭنامانى جەتىلدىرۋ تاسىلدەرى تۋرالى بايانداعان ادىلەت ۆيسە-مينيسترى الما مۇقانوۆا ايتتى. ول قوعامدىق جۇمىستاردى اكىمشىلىك جازانىڭ نەگىزگى ءتۇرى رەتىندە بەلگىلەپ، ءتارتىپ بۇزعاندارعا 10-نان 150 ساعاتقا دەيىن وسىنداي جازا قولدانۋدى ۇسىندى.
«قوعامدىق جۇمىستار – قوعامدىق پايدالى ەڭبەك. ءماجبۇرلى ەڭبەكتى قولدانۋ مەن ۇيىمداستىرۋ جەرگىلىكتى اتقارۋشى ورگاندار مەن ىشكى ىستەر ورگاندارىنا جۇكتەۋ ۇسىنادى. ىشكى ىستەر ورگاندارىنىڭ فۋنكسيالارىنا قۇقىق بۇزۋشىلىقتاردىڭ ەسەبىن جۇرگىزۋ، جەرگىلىكتى اتقارۋشى ورگاندار ۇيىمداستىراتىن قوعامدىق جۇمىستاردىڭ ورىندالۋىن باقىلاۋ، بۇزۋشىمەن پروفيلاكتيكالىق جۇمىس جۇزەگە اسىرۋ قۇقىعىن بەرۋ ۇسىنىلىپ جاتىر»، - دەيدى ق ر ادىلەت ۆيسە-مينيسترى الما مۇقانوۆا.