شەتەلدىك ۇيىمداردان اقشا الاتىندار ءتىزىمى مەملەكەتتىك كىرىستەر كوميتەتىنىڭ سايتىندا جاريالانادى

دەرەكتەر بازاسىندا قامتىلعان مالىمەتتەر ۋاكىلەتتى ورگاننىڭ ينتەرنەت-رەسۋرسىنا: www.kgd.gov.kz ورنالاستىرىلادى.

ق ر قم مكم «شەتەل مەملەكەتتەردەن، حالىقارالىق جانە شەتەلدىك ۇيىمداردان، شەتەلدىكتەردەن، ازاماتتىعى جوق ادامداردان الىنعان اقشانى جانە وزگە دە مۇلىكتى العان جانە جۇمساعان تۇلعالار تۋرالى دەرەكتەر بازاسىن جۇرگىزۋ تۋرالى» بۇيرىققا تولىقتىرۋ ازىرلەدى، دەپ حابارلايدى Almaty-akshamy.kz

دەرەكتەر بازاسىندا قامتىلعان مالىمەتتەر، وسى قاعيدالارعا قوسىمشاعا سايكەس «جاريالانۋعا جاتاتىن شەتەل مەملەكەتتەردەن، حالىقارالىق جانە شەتەلدىك ۇيىمداردان، شەتەلدىكتەردەن، ازاماتتىعى جوق ادامداردان اقشا جانە وزگە دە مۇلىك الاتىن ادامداردىڭ ءتىزىلىمى» نىسانى بويىنشا، جارتىجىلدىقتىڭ قورىتىندىلارى بويىنشا ەسەپتى ايدان كەيىنگى ايدىڭ 20-كۇنىنەن كەشىكتىرىلمەي ۋاكىلەتتى ورگاننىڭ ينتەرنەت-رەسۋرسىنا: www.kgd.gov.kz ورنالاستىرىلادى.

سونداي-اق ءتىزىلىمدى جۇرگىزۋ نىسانى ازىرلەندى، وندا مىنا مالىمەتتەر كورسەتىلەدى: بسن – بيزنەس-سايكەستەندىرۋ ءنومىرى، جسن – جەكە سايكەستەندىرۋ ءنومىرى.

قۇجات 8 اقپانعا دەيىن تالقىلاۋ ءۇشىن اشىق نقا سايتىندا جاريالاندى.