انتالياداعى كونسەرت بيلەتتەرىنىڭ ساتىلىمى 23 قاڭتاردا باستالدى.
Stranger تۋرى اياسىندا ءۇش ەلدە ديماشتىڭ اۋقىمدى شوۋ-كونسەرتتەرى وتپەك، دەپ حابارلايدى Almaty-akshamy.kz Zakon.kz-كە سىلتەمە جاساپ.
DimashAli شىعارماشىلىق ورتالىعى 2023 جىلى تۇركيانىڭ انتاليا قالاسىنداعى اقدەنيز ۋنيۆەرسيتەتىنىڭ كوپفۋنكسيونالدى ستاديونىندا وتەتىن ديماش قۇدايبەرگەننىڭ جەكە كونسەرتى تۋرالى حابارلاعان ەدى. ءانشىنىڭ ءوزى دە Instagram-داعى پاراقشاسى ارقىلى كونسەرتتىڭ قانداي قالالاردا بولاتىنىن ايتتى.
29 ءساۋىر ارمەنيانىڭ ەريەۆان قالاسىندا
6 مامىر تۇركيانىڭ انتاليا قالاسىندا
24 ماۋسىم مالايزيانىڭ كۋالا-لۋمپۋر قالاسىندا ديماش قۇدايبەرگەننىڭ كونسەرتى بولادى.
ال انتالياداعى كونسەرت بيلەتتەرىنىڭ ساتىلىمى 23 قاڭتاردا باستالدى. Dimashali.com سايتىنان الۋعا بولادى.
ايتا كەتەيىك، ءقازىر ديماش ءۇندىستاندا ءجۇر. ول جاپ-جاسىل باقتىڭ ىشىندە تۇرىپ، تىڭدارمانىنا بەينەۇندەۋ جولدادى.