مەدەۋ اۋدانىنىڭ №109 بوبەكجاي-بالاباقشا ۇجىمى «ناۋرىز مەيرامىن» ەرەكشە اتاپ ءوتتى. بۇل كۇنى ۇلتتىق مەرەكەمەن قوسا، ۇلتتىق قۇندىلىقتار دا ۇلىقتالدى. «AMANAT» پارتياسىنىڭ «ۇلتتىق مۇرا» پارتيالىق جوباسى، مەدەۋ اۋدانى مەكتەپكە دەيىنگى تاربيە مەن وقىتۋ ءبولىمى، الماتى قالاسىنىڭ مەكتەپكە دەيىنگى تاربيە مەن وقىتۋدىڭ رەسۋرستىق ورتالىعى بىرلەسىپ، «ءبىرتۇتاس تاربيە» باعدارلاماسى نەگىزىندە مەكتەبى» جوباسى مەكتەبى» جوباسى ۇلكەن شارا ۇيىمداستىردى.
«اكەلەر مەكتەبى» جوباسى اياسىندا وتكەن «ۇرپاق – ۇلتتىق ويىنمەن شىڭدالادى» دەپ اتالاتىن وتباسىلىق جارىستا اتا-انالار مەن بالاباقشا بۇلدىرشىندەرى قازاق حالقىنىڭ ۇلتتىق ويىن تۇرلەرىن جاڭعىرتتى. شارانى ۇيىمداستىرۋشىلاردىڭ ايتۋىنشا، اتالمىش جارىستى ۇيىمداستىرۋداعى باستى ماقسات - قازاق حالقىنىڭ ۇلتتىق ويىن تۇرلەرىن ناسيحاتتاپ، ونى بالاباقشا بۇلدىرشىندەرىنىڭ بويىنا ءسىڭىرىپ، ەر بالالاردىڭ تاربيەسىنە اكەلەردىڭ بارىنشا كوڭىل بولۋىنە ىقپال ەتۋ. جاس ۇرپاق ساناسىنا سەرگەكتىك سىيلاپ، ۇلى دالا ۇرپاقتارىنا ءتان وجەتتىك، مەرگەندىك، كۇشتىلىك، ادىلدىك سياقتى قاسيەتتەردى دامىتۋدى كوزدەگەن جارىستىڭ تاعى ءبىر كوزدەگەنى نامىستى، باتىل، رۋحى مىقتى ۇلداردى تاربيەلەۋگە قوعامنىڭ نازارىن اۋدارۋ. وسىناۋ ماڭىزدى دا ماعىنالى سايىسقا «تۇلپار» جانە «التىن بۇركىت» مەكتەپكە دايارلىق توبىنىڭ بۇلدىرشىندەرى مەن ولاردىڭ اكەلەرى قاتىسىپ، «اسىق اتۋ»، «قوي كوتەرۋ»، «بۇقا تارتىس»، «ارقان تارتىس»،«ساداق اتۋ» سىندى ۇلتتىق ويىن تۇرلەرىنىڭ كورىگىن قىزدىردى.
اتالمىش سپورتتىق سايىستى قۇرامىندا «AMANAT» پارتياسىنىڭ مەدەۋ اۋداندىق فيليالى كەڭەسشىسى احمەت بولات ۇلى، مەدەۋ اۋدانىنىڭ مەكتەپكە دەيىنگى تاربيە مەن وقىتۋ ءبىلىم ءبولىمىنىڭ مامانى ءاليا وماروۆا، «№106 بوبەكجاي-بالاباقشا» مەڭگەرۋشىسى گۇلنار اسكەربەك قىزى، №114 بوبەكجاي-بالاباقشا مەڭگەرۋشىسى جەڭىسكۇل سىبانوۆا سىندى ءادىلقازىلار القاسى قاتىسۋشىلاردىڭ ونەرىن باعالاپ، جەڭىمپازداردى انىقتادى. جارىس سوڭىندا اكەلەر مەن بالالاردىڭ ويىنىن جوعارى باعالانىپ، ولارعا العىس حات پەن سىيلىق تابىس ەتىلدى.
تاقىرىپقا وراي:
ورىنباسار قۇرمامبايەۆا، №109 بوبەكجاي-بالاباقشا مەڭگەرۋشىسى:
-وتباسىنىڭ دا، بالاباقشانىڭ دا ماقسات-مۇددەسى بىرەۋ - ول بالا تاربيەسى. حالقىمىزدا «جۇمىلا كوتەرگەن جۇك جەڭىل» دەگەن جاقسى ءسوز بار. دەمەك، وتباسى مەن بالاباقشا ىنتىماقتاسا جۇمىس ىستەسە، حالقىنىڭ ءداستۇرىن سىيلايتىن تاربيەلى، ۇلتجاندى ۇرپاق قالىپتاسادى. مىنە، بالاباقشا اتا-انالارىنىڭ بۇگىنگى جارىسقا بەلسەنە ات سالىسىپ، بالالارىمەن بىرگەقاتىسىپ جاتقانى دا سونىڭ ايعاعى