الماتى اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋ بارىسىندا مەترو قۇرىلىسى تۋرالى سۇراققا جاۋاپ بەرىپ، جالپى قوعامدىق كولىكتى دامىتۋ تۋرالى ايتتى.
ول باتىس باعىتتا «قالقامان» ستانسياسىنان كەيىن مەترو «بارلىق» بازارىنا دەيىن جالعاساتىنىن، وندا ءىرى كولىك- اۋىسىپ وتىرۋ تورابى قۇرىلاتىنىن اتاپ ءوتتى.
«سونداي-اق، اۋەجايعا قاراي تارتۋ جوباسى دايىندالۋدا. كەلەسى جىلى ءبىز جۇمىس قارقىنىن جەدەلدەتۋدى جوسپارلاپ وتىرمىز. جالپى، قالانىڭ كولىك قاڭقاسىنىڭ ماستەر جوسپارىنا سايكەس مەترو، لرت جانە برت سياقتى جىلدام قوعامدىق كولىك ءبىزدىڭ باسىمدىعىمىز بولىپ تابىلادى. كەلەسى جىلى ءىرى جوبالاردى ىسكە اسىرۋ باستالادى»، - دەدى مەگاپوليس اكىمى.
ەربولات دوسايەۆ قالادا 700 مىڭنان استام ماشينا تىركەلگەنىن جانە كۇن سايىن وبلىستان 450 مىڭعا جۋىق ماشينا قالاعا كىرەتىنىن اتاپ ءوتتى.
«ياعني، جولداردا ميلليوننان استام كولىك جۇرەدى. ءبىزدىڭ مىندەتىمىز - دامىعان قوعامدىق كولىكتى جاساۋ. ادامدار جەكە كولىككە ەمەس، اۆتوبۋسقا نەمەسە مەتروعا تاڭداۋ جاساۋى ءتيىس. سوندىقتان، شىن مانىندە دامىعان قوعامدىق كولىك موبيلدىلىكتى، قاۋىپسىزدىكتى، جايلىلىقتى ارتتىرىپ، ەكولوگيانى جاقسارتا الاتىنىن كورگەندە الداعى ەكى جىل شەشۋشى مانگە يە بولادى»، - دەپ اتاپ ءوتتى ەربولات دوسايەۆ.