اباي وبلىسىنىڭ ەكس-اكىمى ەندى پرەمەر-مينيستردىڭ كەڭەسشىسى قىزمەتىن اتقارادى، دەپ حابارلايدى aqshamnews.kz
نۇرلان تەلمان ۇلى ۇرانحايەۆ — قازاقستاندىق ساياساتكەر، 2022-2025 جىلدارى اباي وبلىسىنىڭ العاشقى اكىمى قىزمەتىن اتقارعان.
ول 1965 جىلى 4 مامىردا سەمەي قالاسىندا دۇنيەگە كەلگەن. ءبىلىمى – جوعارى. ءۇش بىردەي جوعارى وقۋ ورنىن ءتامامداعان: ينجەنەر-مەحانيك، ەكونوميست-مەنەدجەر، ينجەنەر-قۇرىلىسشى ماماندىقتارىن بىتىرگەن.
ەڭبەك جولىن قاراپايىم شەبەردەن باستاعان ۇرانحايەۆ 2000 جىلدارى شىعىس قازاقستان وبلىسىنىڭ ءتۇرلى باسقارمالارىندا، كەيىن ۆيسە-مينيستر، وبلىس اكىمىنىڭ ورىنباسارى، ۇلتتىق ەكونوميكا مينيسترلىگىنە قاراستى عىلىمي ينستيتۋت جەتەكشىسى قىزمەتتەرىن اتقاردى. 2022 جىلى پرەزيدەنت جارلىعىمەن جاڭادان قۇرىلعان اباي وبلىسىنىڭ اكىمى بولىپ تاعايىندالدى.
ۇرانحايەۆ اباي وبلىسىن باسقارعان تۇستا “سەمەي ورمانى” رەزەرۆاتىندا ءورت شىعىپ، بىرنەشە ورمانشى قازا بولعان ەدى. تابيعاتقا سول تۇستا ۇلكەن زيان كەلتىرىلىپ، بىرنەشە ادام سوتتالعان بولاتىن.