كۇزدەن باستاپ وقۋشىلار مەكتەپتە دۇرىس تاماقتاناتىن بولادى، دەپ حابارلايدى aqshamnews.kz
قانتتى 3،6 ەسەگە، تۇزدى تۇتىنۋ 5 ەسەگە دەيىن ازايتىلادى.
1 قىركۇيەكتەن باستاپ مەكتەپتەردە تاماقتانۋدىڭ جاڭا ستاندارتى ەنگىزىلەدى. بۇل تۋرالى دەنساۋلىق ساقتاۋ ءمينيسترى اقمارال ءالنازاروۆا ۇكىمەت وتىرىسىندا ايتتى.
"2025 جىلعى 1 قىركۇيەكتەن باستاپ ءبىلىم بەرۋ ۇيىمدارىندا دۇرىس تاماقتانۋ بويىنشا حالىقارالىق ۇسىنىمدارعا سايكەس ازىرلەنگەن تاماقتانۋدىڭ جاڭا ستاندارتى جانە كوپ نۇسقالى ۇلگىلىك پەرسپەكتيۆالىق ءمازىر قولدانىسقا ەنگىزىلەدى. تاماقتانۋدىڭ جاڭا ستاندارتى دۇرىس تاماقتانۋعا باعىتتالعان، اتاپ ايتقاندا سەمىزدىك، قانت ديابەتى، جۇرەك-قان تامىرلارى جانە باسقا اۋرۋلاردىڭ دامۋ ءقاۋپىن ازايتۋ ماقساتىندا قانتتى 3،6 ەسەگە، تۇزدى 5 ەسەگە دەيىن ازايتۋدى كوزدەيدى. بۇل نورما ينفەكسيالىق ەمەس اۋرۋلاردى، اتاپ ايتقاندا، بالالارداعى سەمىزدىكتى 15%-عا دەيىن، قانت ديابەتىن 20%-عا دەيىن، ارتەريالىق گيپەرتەنزيانى 18%-عا دەيىن جانە باسقا دا سوزىلمالى اۋرۋلاردى 15%-عا دەيىن ازايتۋعا ىقپال ەتەدى"، - دەدى مينيستر ۇكىمەتتە جاساعان بايانداماسىندا.
تاماقتانۋ ستاندارتىندا اس بلوكتارى جوق شاعىن جيناقتالعان مەكتەپتەر ءۇشىن ءمازىر كوزدەلگەن، العاش رەت مەكتەپ تاعامدارىنا قاناعاتتانۋ دەڭگەيىن باعالاۋعا مۇمكىندىك بەرەتىن جەۋگە جارامسىزدىق يندەكسى (تارەلكەدەگى تاماق قالدىقتارى) ۇعىمى ەنگىزىلگەن.
اقمارال ءالنازاروۆانىڭ ايتۋىنشا، تاماقتانۋدىڭ جاڭا ستاندارتى ءبىلىم بەرۋ وبەكتىلەرى مەن مەكتەپكە دەيىنگى بالالار وبەكتىلەرىنە قولدانىلادى.
"تاماقتانۋ ستاندارتىن ەنگىزۋ ماقساتىندا قازىرگى ۋاقىتتا ءبىلىم جانە دەنساۋلىق ساقتاۋ باسقارمالارىنىڭ، مەكتەپ اكىمشىلىكتەرى مەن تاماق ءونىم بەرۋشىلەرىنىڭ قاتىسۋىمەن وقىتۋ سەمينارلارى وتكىزىلۋدە"، - دەدى دسم باسشىسى.