كولىك مينيسترلىگى جازعى ماۋسىمدا الاكولگە دەيىن قوسىمشا ۆاگوندار مەن بيلەت قۇنى قولجەتىمدى اۋە رەيستەرىن ىسكە قوسادى، – دەپ حابارلايدى aqshamnews.kz
تەمىرجول كولىگى:
بيىل جازدا الاكول كۋرورتتىق ايماعىنا 13 تەمىرجول باعىتى ارقىلى جەتۋگە بولادى. ونىڭ 4-ەۋى — جىل بويى قاتىنايتىن باعىت بولسا، تاعى 9-ى — ماۋسىمدىق قوسىمشا باعىتتار. پويىزدار استانا، الماتى، پاۆلودار، قىزىلوردا، سەمەي، وسكەمەن جانە اقتوعاي قالالارىنان قاتىنايدى.
الماتى – الاكول:
№ 207/208 «الماتى-2 – جالاڭاشكول» (اپتاسىنا 2 رەت)؛
№ 221/222 «الماتى-2 – دوستىق» (اپتاسىنا 3 رەت)؛
№ 211/212 «الماتى-2 – دوستىق» (ماۋسىم–شىلدەدە جۇپ كۇندەرى، تامىزدا تاق كۇندەرى)؛
№ 337/338 «الماتى-2 – دوستىق» (اپتاسىنا 3 رەت)؛
№ 21/6941/6942/22 «الماتى-1 – دوستىق» (جۇپ كۇندەرى).
استانا – الاكول:
№ 54/53 «نۇرلى جول – دوستىق» (اپتاسىنا 2 رەت)؛
№ 254/253 «نۇرلى جول – دوستىق» (اپتاسىنا 2 رەت)؛
№ 122/6942/6941/121 «نۇرلى جول – سەمەي» (جۇپ كۇندەرى).
باسقا باعىتتار:
№ 31/6942/6941/32 «پاۆلودار – دوستىق» (جۇپ كۇندەرى)؛
№ 21/6942/6941/22 «قىزىلوردا – دوستىق» (تاق كۇندەرى)؛
№ 457/458 «سەمەي – دوستىق» (تاق كۇندەرى)؛
№ 459/460 «وسكەمەن – دوستىق» (تاق كۇندەرى)؛
№ 6941/6942 «اقتوعاي – دوستىق» (كۇن سايىن).
اۋە قاتىناسى:
2025 جىلعى 1 ماۋسىمنان باستاپ قازاقستاندىق SCAT اۋە كومپانياسى الاكولدىڭ قاسىندا ورنالاسقان ءۇرجارعا سۋبسيديالاناتىن رەيستەردى ورىنداي باستايدى. استانا مەن ءۇرجار، سونداي-اق الماتى مەن ءۇرجار اراسىندا اپتاسىنا 6 رەيس ورىندالادى. استانا - ءۇرجار بويىنشا ءبىر باعىتتاعى بيلەت قۇنى – 16 مىڭ تەڭگە، ال الماتى - ءۇرجار باعىتى بويىنشا – 14 مىڭ تەڭگە.
سونداي-اق، جاز مەزگىلىندە ءۇشارال قالاسىنا سۋبسيديالاناتىن اۋە رەيستەرىن ىسكە قوسۋ ماسەلەسى پىسىقتالۋدا.
اۆتوموبيل كولىگى:
جالپى ۇزىندىعى 768 شاقىرىم بولاتىن «تالدىقورعان – وسكەمەن» جولى الاكولگە دەيىن اپارادى. بۇل جولعا تولىقتاي جاڭا اسفالت توسەلدى.
جەتىسۋ وبلىسى جاعىنان ءۇشارال ارقىلى ودان كەيىن 180 شاقىرىمدىق «ءۇشارال – دوستىق» جولىمەن ءوتىپ، كولدىڭ وڭتۇستىك جاعالاۋىنا جەتۋگە بولادى.
اباي وبلىسى جاعىنان «تاسكەسكەن – باقتى» جولى ارقىلى ماقانشى اۋىلىنا (133 كم)، ءارى قاراي «ماقانشى – جالاڭاشكول» باعىتىمەن كولدىڭ سولتۇستىك جاعالاۋىنا جەتۋگە بولادى.
الاكول كولىنە اپاراتىن بارلىق رەسپۋبليكالىق ماڭىزى بار اۆتوجولداردا جاڭا اسفالت بەتون جابىنى توسەلگەن.