ۇقشۇ-نىڭ رەسەيلىك بىتىمگەرلەرى قازاقستاننان كەتتى

الماتى» اەرودرومىنان بارلىعى 19 ۇشاق ۇشىپ كەتتى

ۇقشۇ قۇرامىنداعى رەسەي بىتىمگەرلەرى الماتىدان ماسكەۋ وبلىسىنداعى «چكالوۆسكيي» اۋەجايىنا ۇشىپ كەتتى،  دەپ حابارلايدى Almaty-akshamy.kz Tengrinews.kz-كە سىلتەمە جاساپ.

«قازاقستانداعى ۇقشۇ بىتىمگەرشىلىك كۇشتەرى قۇرامىنداعى رەسەيلىك بولىمشەلەر رەسەي اسكەري-كولىك اۆياسياسى ۇشاقتارىنا اسكەري تەحنيكانى تيەپ، الماتىدان ۇشىپ شىقتى»، - دەلىنگەن حابارلامادا.

ارمەنيا، بەلارۋس جانە وزبەكستاننان كەلگەن بىتىمگەرلەر 14 قاڭتاردا ەلىنە ورالدى. بارلىق بىتىمگەر بولىمشەنى تۇراقتى ورنالاسۋ پۋنكتىنە قايتارۋدى 19 قاڭتارعا دەيىن اياقتاۋ جوسپارلانعان.

«الماتى» اەرودرومىنان بارلىعى 19 ۇشاق ۇشىپ كەتتى، ولار رەسەي فەدەاسياسىنا ۇقشۇ كۇشتەرى قۇرامىنداعى رەسەيلىك بىتىمگەرلەردى جەتكىزەدى، - دەپ حابارلادى رەسەي قورعانىس مينيسترلىگى.

«قازىرگى ۋاقىتتا رەسەي اسكەري-كولىك اۆياسياسىنىڭ 19 ۇشاعى (18 يل-76 ۇشاعى جانە 1 ان-124 "رۋسلان" ۇشاعى) الماتى اەرودرومىنان ۇشىپ شىقتى»، - دەلىنگەن حابارلامادا.

بۇگىندە ۇشاقتار اۋە كۇشتەرى بولىمشەلەرىنىڭ جەكە قۇرامى مەن جابدىقتارىن ماسكەۋ وبلىسىنداعى «چكالوۆسكيي» اەرودرومىنا جەتكىزىپ جاتىر.
بۇعان دەيىن 13 قاڭتاردا الماتىدا ۇقشۇ بىتىمگەرلەرىن شىعارۋ باستالعانى حابارلانعان بولاتىن. بۇعان دەيىن ۇجىمدىق قاۋىپسىزدىك تۋرالى شارت ۇيىمىنىڭ بەلورۋس بىتىمگەرلەرى مىنگەن ون ۇشاقعى قازاقستاننان مينسك وبلىسىنا ۇشىپ كەتتى.