Tesla ەلەكتروموبيلىنىڭ جاڭا نۇسقاسى تانىستىرىلدى

Tesla بۇرىنعى Model S ەلەكتروكارىن جاڭارتتى

Tesla بۇرىننان كەڭ تاراعان Model S اۆتوكولىگىنىڭ جاڭا نۇسقاسىن تانىستىردى. بۇل جايىندا Electrek باسىلىمى جازدى،  دەپ حابارلايدى Almaty-akshamy.kz.

ليفتبەكتىڭ جاڭارعان نۇسقاسى العاش تايۆاندا تانىستىرىلدى. جۋرناليستەر اتالعان كومپانيانىڭ جاڭا ءونىمى ءبىرىنشى رەت اقش-تان تىس جەردە ساۋدالانىپ جاتقانىن جارىسا جازۋدا. Model S نۇسقاسىنا ءبىرقاتار جاڭاشىلدىق ەڭگىزىلگەن. ماسەلەن، ەلەكتروكاردىڭ شامى ماتريسا تەكتى بولىپ شىققان، ونداي وزگەرىس Model 3 پەن Model Yء-دىڭ  سوڭعى موديفيكاسياسىندا دا بار. 

ەلەكتروموبيلگە  اككۋمۋلياتوردى قۋاتتاۋ ءۇشىن Combined Charging System (CCS) جاڭا پورتى قويىلعان. ءنومىر بەلگىسىندەگى جيەكتەر الىنىپ تاستالعان، اۆتورلاردىڭ پىكىرىنشە بۇل كولىكتىڭ سىرتقى كەلبەتىن تارتىمدى ەتە تۇسەدى. Tesla جاقىن ارادا كولىكتىڭ وسى جاڭا نۇسقاسىن وندىرىسكە شىعارىپ، بۇعان دەيىنگى مودەلدەردىڭ بارلىعىن اۋىستىرماق.

مامانداردىڭ ايتۋىنشا، Tesla-نىڭ Model S جاڭا نۇسقاسى ەش وزگەرمەستەن اقش نارىعىنا شىعارىلادى. 

«سولتۇستىك امەريكا نۇسقاسىندا جالعىز وزگەرىس بولادى، ياعني اككۋمۋلياتوردى قاۋاتتايتىن پورتتىڭ ۇلكەيتىلۋى ىسكە اسادى»،-دەيدى جۋرناليستتەر.

Tesla Model S — بەس ەسىكتەن تۇراتىن ەلەكتروموبيل، ول وندىرىسكە 2012 جىلى شىققان. جۋرناليستەردىڭ جازۋىنشا، ليفتبەكتىڭ ديزاينى العاش شىققان بۋىننان بەرى تۇبەگەيلى وزگەرىسكە ۇشىراماعان.

ايتا كەتسەك، وتكەن جىلدىڭ جەلتوقسان ايىندا Tesla كومپانياسى Cybertrack پيكاپىنىڭ جاڭا نۇسقاسىن تانىستىرعان بولاتىن.