ۇقشۇ دونباسقا بىتىمگەرلەردى اتتاندىرۋدى ۇسىندى

ءبىراق ول ءۇشىن ۋكراينانىڭ كەلىسىمى قاجەت

ۋكراينانىڭ شىعىسىنداعى جاعدايدىڭ شيەلەنىسۋىنە بايلانىستى ۇجىمدىق قاۋىپسىزدىك تۋرالى شارت ۇيىمى دونباسقا بىتىمگەرلەر كۇشتەرىن اتتاندىرۋ تۋرالى ۇسىنىس جاسادى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ. 

بۇل تۋرالى وسى ۇيىمنىڭ باس حاتشىسى ستانيسلاۆ زاس مالىمدەدى. ونىڭ ايتۋىنشا، بۇل ءۇشىن كييەۆتىڭ كەلىسىمى مەن بۇۇ قاۋىپسىزدىك كەڭەسىنىڭ رۇقساتى قاجەت. ۇيىم حاتشىسى ءقازىر ايماقتاعى شيەلەنىستى بەيبىت جولمەن باسەڭدەتۋ قاجەت ەكەنىن اتاپ ءوتتى. ايتا كەتەيىك، دونباسسقا حالىقارالىق بىتىمگەرلىك كونتينگەنتتى ورنالاستىرۋ ماسەلەسى بۇعان دەيىن دە بىرنەشە مارتە كوتەرىلگەن. الايدا تاراپتار شەتەلدىك اسكەريلەردى ورنالاستىرۋ بويىنشا ورتاق شەشىمگە كەلە المادى. 

«دونباسسقا بىتىمگەرلىك كۇشتەردى اتتاندىرۋعا بولادى. ءبىراق بۇل ءۇشىن ۋكراينانىڭ كەلىسىمى قاجەت. ويتكەنى بۇل سول ەلدىڭ اۋماعى. بۇدان بولەك بۇۇ قاۋىپسىزدىك كەڭەسىنىڭ مانداتى كەرەك جانە وسى شەشىمدى ۇيىمعا مۇشە ەلدەردىڭ ءبارى قولداۋى ءتيىس»،-دەيدى ۇقشۇ باس حاتشىسى ستانيسلاۆ زاس.