جەڭىمپازدار قۇرامىندا قازاقستاندىق "بارىستىڭ" شابۋىلشىسى توماش يۋرچو دا بولدى
20 اقپاندا بەيجىڭدەگى قىسقى وليمپيادا ويىندارىندا حوككەيشىلەر اقتىق سىندا ونەر كورسەتتى، التىن مەدال ءۇشىن رەسەي مەن فينليانديا قۇرامالارى تالاستى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ءبىرىنشى بولىپ رەسەيلىك حوككەيشىلەر ەسەپ اشتى. سەگىزىنشى مينۋتتا ولار ويىنشىلار سانىنداعى ارتىقشىلىقتى پايدالانىپ كەتتى.
ميحايل گريگورەنكونىڭ ءدال سوققان شايباسى قارسى كوماندانىڭ قاقپاسىنان تابىلدى. فين قۇراماسى ۆيللا پوككانىڭ گولىنىڭ ارقاسىندا ەكىنشى كەزەڭنىڭ باسىندا ەسەپتى تەڭەستىردى.
فين كومانداسىنىڭ شابۋىلشىسى حاننەس بورنينەن ءۇشىنشى كەزەڭنىڭ ءبىرىنشى مينۋتىندا شەشۋشى گول سوقتى، ەسەپ - 2:1. وسىلايشا فيندەر تاريحتا العاش رەت وليمپيادانىڭ باستى جەڭىمپازى اتاندى.
2022 جىلعى قىسقى وليمپيادا ويىندارىنىڭ قولا جۇلدەسى ءۇشىن وتكەن ماچتا سلوۆاكيا قۇراماسى 17 جاسار يۋراي سلافكوۆسكييدىڭ ءدۋبلىنىڭ ارقاسىندا شۆەسيا قۇراماسىن 4:0 ەسەبىمەن ۇتىپ كەتتى. تاعى ءبىر-بىر شايبادان سامۋەل تاكاچ پەن پاۆول رەگەندا گول سالدى.
جەڭىمپازدار قۇرامىندا قازاقستاندىق "بارىستىڭ" شابۋىلشىسى توماش يۋرچو دا بولدى. سلوۆاكتار ءوز تاريحىندا العاش رەت وليمپيادا ويىندارىنىڭ مەدالىمەن ماراپاتتالدى.