2021 جىلى زەرتتەۋگە 10 000 رەسپوندەنتتىڭ قاتىسقان
قازاقستاندىقتاردىڭ قارجىلىق ساۋاتتىلىق دەڭگەيى كوتەرىلدى. بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگىنەن ءمالىم ەتتى، دەپ حابارلايدى Almaty-akshamy.kz.
«قازاقستان حالقىنىڭ قارجىلىق ساۋاتتىلىق يندەكسى وتكەن جىلمەن سالىستىرعاندا 0،45 تارماققا ۇلعايىپ، 2021 جىلى 39،52 پايىزدى قۇرادى (2020 جىلى بۇل كورسەتكىش 39،07% دەڭگەيىندە بولدى). ق ر ۇكىمەتىنىڭ 30.05.2020ج. 338 قاۋلىسىمەن بەكىتىلگەن قارجىلىق ساۋاتتىلىقتى ارتتىرۋدىڭ 2020 - 2024 جىلدارعا ارنالعان تۇجىرىمداماسىن ىسكە اسىرۋ اياسىندا ق ر قارجى نارىعىن رەتتەۋ جانە دامىتۋ اگەنتتىگىنىڭ تاپسىرىسى بويىنشا جۇرگىزىلگەن جىل سايىنعى الەۋمەتتانۋشىلىق زەرتتەۋلەردىڭ ناتيجەلەرى وسىنداي بولدى»، - دەلىنگەن اگەنتتىك مالىمەتىندە.
ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) ولشەمدەرى ەسكەرىلەتىن قارجىلىق ساۋاتتىلىق يندەكسىن ەسەپتەۋ ءادىسناماسى مىناداي ءۇش كورسەتكىشتى تالداۋدى قامتيدى: مەنشىكتى قارجى قاراجاتىن باسقارۋ، قارجىلىق كورسەتىلەتىن قىزمەتتەردى پايدالانۋ جانە حالىقتىڭ قارجى جۇيەسى تۋرالى حاباردار بولۋ دەڭگەيى.
2021 جىلى نەعۇرلىم جوعارى كورسەتكىش «مەنشىكتى قارجى قاراجاتىن باسقارۋ» كورسەتكىشىندە – 42،57%؛ نەعۇرلىم تومەن كورسەتكىش – «قارجى جۇيەسى تۋرالى حاباردار بولۋ» كورسەتكىشىندە – 35،45% بولىپ تىركەلدى. بۇل رەتتە ءبىر جىلدا وسى كورسەتكىش 16 تارماقتان استام ءوستى (2020 جىلى ول 19،3%-دى قۇرادى).
«2020 جىلعى 28%-دان 2021 جىلى 39،2%-عا دەيىن ءوز قارجىسىن باسقارۋ تۋرالى، قارجى جۇيەسى، قۇرالدار مەن قىزمەتتەر تۋرالى جەتكىلىكتى اقپارات پەن ءبىلىمى بار قازاقستاندىقتاردىڭ سانى ۇلعايدى. بۇل رەتتە، قارجىلىق تۇرعىدان نەعۇرلىم حاباردار قالا تۇرعىندارى، نەگىزىنەن ەر ادامدار. سونىمەن قاتار، «قارجىلىق قىزمەتتەردى پايدالانا ءبىلۋ» كورسەتكىشى 40،56%-دى قۇرادى»، - دەپ اتالىپ وتكەن حابارلامادا.
ايتا كەتەيىك، 2021 جىلى زەرتتەۋگە 10 000 رەسپوندەنتتىڭ قاتىسقان. ولاردىڭ ىشىندە 18 جاستان 29 جاسقا دەيىنگى (23،08%)، 30 جاستان 49 جاسقا دەيىنگى (62،32%)، 50 جاستان 63 جاسقا دەيىنگى (12،32%)، سونداي-اق 63 جاستان اسقان (2،28%) ايەلدەر (58،8%) دە، ەر ادامدار دا (41،2%) بار.
ساۋالناما نۇر-سۇلتان، الماتى مەن شىمكەنت سياقتى رەسپۋبليكالىق ماڭىزى بار 3 قالادا جانە قازاقستاننىڭ 14 وڭىرىندە جۇرگىزىلدى.
كاسىبي قىزمەتى تۇرعىسىنان العاندا بيۋدجەتتىك ۇيىمداردىڭ قىزمەتكەرلەرى (7،5%)، ءوزىن-وزى جۇمىسپەن قامتىعاندار (8،1%)، جەكە كومپانيالاردىڭ قىزمەتكەرلەرى (7،2%)، دارا كاسىپكەرلەر (6،4%)، ستۋدەنتتەر (1،9%)، زەينەتكەرلەر (1،8%)، ۋاقىتشا جۇمىس ىستەمەيتىندەر (0،68%)، باسقا دا ماماندىق وكىلدەرى (64،2%) سياقتى توپتاردان جاۋاپ الىندى.
رەسپوندەنتتەردىڭ وتباسىلىق جاعدايلارى مىناداي بولدى: 62،28%-ى ۇيلەنگەن/تۇرمىس قۇرعاندار، 26،24% – ۇيلەنبەگەن/تۇرمىس قۇرماعاندار، 8،4% – اجىراسقاندار، 1،6% – ايەلى/كۇيەۋى قايتىس بولعاندار، 1،4% – ازاماتتىق نەكەدە تۇراتىندار.