ۇلتتىق قاۋىپسىزدىك كوميتەتىنىڭ شەكارا قىزمەتىنىڭ بۇرىنعى ديرەكتورى دارحان ءدىلمانوۆقا قاتىستى ۇكىم شىقتى - ول 4 جىلعا باس بوستاندىعىنان ايىرىلدى، دەپ حابارلايدى اlmaty-akshamy.kz اسكەري سوتقا سىلتەمە جاساپ.
الماتى گارنيزونىنىڭ اسكەري سوتىنىڭ حابارىنا قاراعاندا، شەكارا قىزمەتىنىڭ ەكس باسىشىسى ءدىلمانوۆ پەن باسقا دا لاۋازىمدى تۇلعالار اۋىر زارداپتارعا اكەپ سوقتىرعان بيلىكتى اسىرا پايدالاندى جانە ءىرى مولشەردە پارا الدى دەپ ايىپتالعان.
"د.ە.ءدىلمانوۆقا قحر-دان قازاقستانعا جۇكتەردى وتكىزۋ پۋنكتى ارقىلى اۋىستىرىپ تيەۋدىڭ ازىرلەنگەن قىلمىستىق سحەماسى جانە ونى ەنگىزۋگە جاردەمدەسۋ قاجەتتىگى تۋرالى ايتىلدى. ايتىلعان سحەما ءساتتى جۇرگىزىلسە ول ودان بەلگىلى ءبىر تابىس الاتىنى بەلگىلى بولدى. جۇكتەردى وتكىزۋ پۋنكتى ارقىلى قحر-دان قر-عا اۋىستىرىپ تيەۋدىڭ قۇقىققا قارسى سحەماسىن ەنگىزۋ سالدارى (1750 اينالما رەيس جاسالعان) ۇلكەن زالالعا اكەپ سوقتى"، - دەلىنگەن سوت حابارلاماسىندا.
سوتتالۋشىلاردىڭ كىناسى كۋاگەرلەردىڭ ايعاقتارى، اسكەري-جارعىلىق زەرتتەۋلەر، ساراپتامالاردىڭ قورىتىندىلارى، قۇجاتتىق تەكسەرۋلەردىڭ اكتىلەرى ارقىلى دالەلدەنگەنى اتاپ ءوتىلدى. پروكۋرور سوتتالۋشىلارعا مۇلكىن تاركىلەپ، 4 جىلدان 9 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا تاعايىنداۋدى سۇرادى. ءدىلمانوۆ پەن ءىستىڭ باسقا دا قاتىسۋشىلارى كىناسىن تولىق مويىنداعانى ايتىلادى، ولار سوتتان جاساعان ىسىنە وكىنىپ، جازانىڭ جەڭىل ءتۇرىن تاعايىنداۋدى، سونداي-اق جازانىڭ قوسىمشا تۇرلەرىن قولدانباۋدى سۇراعان.
"جاسالعان قىلمىستىڭ سيپاتى مەن قوعامدىق ءقاۋىپ دارەجەسىن ەسكەرە وتىرىپ، سوت د.ءدىلمانوۆقا قاتىستى قىلمىستىق كودەكستىڭ 450-بابىنىڭ 2-بولىگى بويىنشا مۇلكى تاركىلەنىپ، 4 جىلعا باس بوستاندىعىنان ايىرۋ تۇرىندە جازا تاعايىندادى. ءدىلمانوۆتى "گەنەرال-لەيتەنانت" اسكەري اتاعىنان، مەملەكەتتىك ناگراداسىنان (ءىى دارەجەلى "ايبىن" وردەنى) جانە "ق ر ۇلتتىق قاۋىپسىزدىك كوميتەتىنىڭ ارداگەرى" قۇرمەتتى اتاعىنان ايىرۋ تۋرالى پرەزيدەنتكە ۇسىنىس ەنگىزىلدى"، - دەلىنگەن سوت حابارىندا.
تاعى ءبىر سوتتالۋشىعا 1،2 ملن تەڭگە پارا بەرگەنى ءۇشىن 38 ملن تەڭگە ايىپپۇل سالىندى. قالعان سوتتالۋشىلارعا مۇلكى تاركىلەنبەستەن 3،5 جىلدان 5،5 جىلعا دەيىن باس بوستاندىعىن شەكتەۋ جازالارى تاعايىندالدى. سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.