وتباسى بانك سالىمشىلارى مەملەكەتتىڭ 138 000 تەڭگە مولشەرىندەگى ەڭ جوعارى سىيلىقاقىسىن الا الادى
2023 جىلدىڭ قورىتىندىسى بويىنشا جاڭا نەمەسە بۇرىننان جيناق شوتتارىنىڭ يەلەرى مەملەكەت تاراپىنان 20% كولەمىندە سىيلىقاقى الادى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسىنىڭ «وتباسى بانك» اق ديرەكتورى داناگۇل ءتۇسىپوۆا ايتتى، دەپ حابارلايدى almaty-akshamy.kz
سپيكەر كەلتىرگەن مالىمەتكە ساي، 2023 جىلى الماتىنىڭ 11 200 تۇرعىنى وتباسى بانكتىڭ كومەگىمەن قونىس تويىن اتاپ ءوتتى. تاعى 24 500 قالا تۇرعىنى دەپوزيتتەر اشىپ، بولاشاقتا قولجەتىمدى شارتتار بويىنشا تۇرعىن ءۇي ساتىپ الۋ ءۇشىن قاراجات جيناي باستادى.
مەملەكەت سىيلىقاقىسى 200 اەك (2023 جىلى 1 اەك 3 450 تەڭگەگە تەڭ) نەمەسە 690 000 تەڭگەدەن اسپايتىن سوماعا ەسەپتەلەدى. ەگەر وسى جىل ىشىندە وتباسى بانكتىڭ دەپوزيت ۇستاۋشىسى وسى قاراجاتتى ءوز شوتىنا جيناسا نەمەسە ولاردى ءبىر مەزگىلدە ەنگىزسە، وندا ول 2023 جىلدىڭ قورىتىندىسى بويىنشا ەڭ جوعارى سىيلىقاقىنى – 138 000 تەڭگەنى الادى، ول ءۇشىن بانك سالىمشىلارى ءوز دەپوزيتتەرىن 2023 جىلدىڭ 29 جەلتوقسانىنا دەيىن تولىقتىرىپ ۇلگەرۋلەرى كەرەك.
«20 جىل بويى ءبىز قازاقستاندىقتارعا ۇنەمشىلدىكتى ۇيرەتىپ كەلەمىز. جيناقتاۋ مۇمكىندىگى 490 مىڭنان استام قازاقستاندىق وتباسىعا تۇرعىن ءۇي ماسەلەسىن شەشۋگە كومەكتەستى. جاقىن ارادا قونىس تويىن اتاپ ءوتۋ ءۇشىن تاعى 2،6 ملن قازاقستاندىق اقشا جيناقتاپ جاتىر. بۇل ماسەلەدە ولارعا مەملەكەتتىڭ كومەكتەسەتىنى دە ماڭىزدى. سىيلىقاقى تولەۋگە ارنالعان قاراجات جىل سايىن رەسپۋبليكالىق بيۋدجەتتە كوزدەلەدى. وتكەن جىلدىڭ قورىتىندىسى بويىنشا 1،9 ملن قازاقستاندىق 75 ملرد تەڭگە كولەمىندە مەملەكەت سىيلىقاقىسىن الدى، - دەپ ءتۇسىندىردى وتباسى بانكتىڭ الماتى قالالىق فيليالىنىڭ ديرەكتورى داناگۋل ءتۇسىپوۆا.
بانكتىڭ جىلدىق 2% مولشەرىندەگى سىياقىسىن جانە مەملەكەت سىيلىقاقىسىن ەسكەرگەندە وتباسى بانكتەگى دەپوزيتتەر بويىنشا ءتيىمدى مولشەرلەمە جىلدىق 14%-عا جەتۋى مۇمكىن.
سونىمەن بىرگە، ول مەملەكەت سىيلىقاقىسى بۇرىن كوتەرمەلەنبەگەن جيناقتارعا عانا ەسەپتەلەدى. ياعني، جىل سايىن اعىمداعى جىلى جاسالعان جيناقتار مەن وتكەن جىلى كوتەرمەلەنبەگەن جيناقتاردىڭ قالدىعى ەسەپكە الىنادى.ەگەر ءبىر سالىمشىنىڭ بانكتە بىرنەشە دەپوزيتى بولسا، وندا مەملەكەتتىڭ سىيلىقاقىسى ولاردىڭ بىرەۋىنە عانا ەسەپتەلەدى. ەگەر وتباسى بانكتىڭ سالىمشىسى ءوز جيناق اقشاسىن الىپ قويۋعا شەشىم قابىلداسا جانە ءۇش جىلدان از مەرزىم بويى جيناقتاعان دەپوزيتىن جاپسا، وندا مەملەكەتتىڭ ەسەپتەلگەن سىيلىقاقىسى بيۋدجەتكە قايتارىلادى.
«وتباسى بانكتىڭ «وتباسىلىق پاكەتى» شەڭبەرىندە ءوز كىرىسىڭدى ۇلعايتۋعا بولادى. ول ءۇشىن ءسىز وتباسىنىڭ بىرنەشە مۇشەسىنە دەپوزيت اشۋىڭىز كەرەك، سوندا سىيلىقاقى ءار سالىمعا ەسەپتەلەدى. مىسالى، ەگەر وتباسى ايىنا بەلگىلى ءبىر سومانى ۇنەمدەۋدى جوسپارلاعان بولسا، وندا وتباسى ونى «وتباسىلىق پاكەت» شەڭبەرىندە بىرنەشە سالىم اراسىندا ءبولۋ ارقىلى ءار سالىم ءۇشىن مەملەكەت سىيلىقاقىسىن الاتىن مۇمكىندىككە يە بولادى. سودان كەيىن قاجەتتى سومانىڭ جيناقتالۋى تەزىرەك بولادى»، - دەپ ءبولىستى د.ءتۇسىپوۆا.
بانك سالىمشىسى جىلجىمايتىن مۇلىكتى ساتىپ الۋ تۋرالى شەشىم قابىلداعاننان كەيىن ءبىر وتباسىنىڭ بارلىق شوتتارىن بىرىكتىرىپ، قارىز الۋعا بولادى. بۇگىنگى تاڭدا قازاقستاندىقتار ءۇشىن ەڭ قولجەتىمدى قارىز ءتۇرى – تۇرعىن ءۇي قارىزى. مۇنداي قارىز شوتتا كەمىندە 3 جىل مەرزىم ىشىندە تۇرعىن ءۇي قۇنىنىڭ كەمىندە 50%-ى جيناقتالعان جاعدايدا بەرىلەدى. قالعان سومانىڭ 50%-ىن كليەنت جىلدىق 3،5%-دان 5%-عا دەيىنگى مولشەرلەمە (جتسم 3،6%-دان باستاپ) بويىنشا الادى.
«وتباسى بانكتە بالالارعا وتباسى بانكتىڭ ءداستۇرلى دەپوزيتىنىڭ كومەگىمەن نەمەسە «ارناۋ» دەپوزيتىن پايدالانا وتىرىپ اقشا جيناقتاۋعا بولادى. ونىڭ تالاپتارى بويىنشا كەم دەگەندە 10 جىل ىشىندە تۇرعىن ءۇي قۇنىنىڭ 50%-ىن جيناقتاۋ قاجەت. دەپوزيتكە جيناقتاۋ كەزىندە بانكتىڭ سىياقىسى مەن مەملەكەتتىڭ سىيلىقاقىسى دا ەسەپتەلەدى. بۇل رەتتە جيناقتاۋ مەرزىمى وتكەننەن كەيىن قارىز بويىنشا مولشەرلەمە جىلدىق 2%-دى (جتسم 2%-دان باستاپ) عانا قۇرايدى. ستاندارتتى دەپوزيت شەڭبەرىندە قارىز بويىنشا ەڭ تومەنگى مولشەرلەمە 3،5%-دى (جتسم 3،6%-دان باستاپ) قۇرايدى»، - دەپ جالعاستىردى وكق سپيكەرى.
ەندى ءوز بالاڭىزعا دەپوزيتتى ونلاين رەجيمىندە اشا الاسىز. جاڭا قىزمەت otbasybank.kz پورتالىندا قولجەتىمدى. دەپوزيتتى 0 جاستان 14 جاسقا دەيىنگى بالاعا ونلاين اشۋعا بولادى. 14 جاستان باستاپ دەپوزيتتى بالانىڭ ءوزى اتا-اناسىنىڭ نەمەسە باسقا زاڭدى وكىلدەرىنىڭ (مىسالى، قامقورشىلاردىڭ) كەلىسىمىمەن بانك بولىمشەسىندە اشادى.
جيناق جەتىسپەيتىن سوماعا وتە قولجەتىمدى شارتتارمەن زاەم الۋعا مۇمكىندىك بەرەدى. ءبىزدىڭ قولداۋىمىزدىڭ ارقاسىندا كۇن سايىن ورتا ەسەپپەن 235 باقىتتى وتباسى قونىس تويىن اتاپ وتەدى. بيىلعى جىلى وتباسى بانك كومەگىمەن ءوزىنىڭ تۇرعىن ءۇي ماسەلەسىن 62 298 قازاقستاندىق شەشتى.