جەكە قۇرامنىڭ جاۋىنگەرلىك دايىندىعىن كۇشەيتۋ بويىنشا شارالار ازىرلەندى.
ۇلتتىق قاۋىپسىزدىك كوميتەتىنىڭ ماماندارى مەكەمەنىڭ قىزمەتىن قايتا فورماتتاۋ جونىندەگى جۇمىستى باستادى، دەپ حابارلايدى Almaty-akshamy.kz.
«مەملەكەت باسشىسىنىڭ تاپسىرمالارىن ىسكە اسىرۋ جونىندەگى ۇقك شارالارى تۋرالى مەملەكەت باسشىسىنىڭ 11 قاڭتاردا پارلامەنت ءماجىلىسىنىڭ جالپى وتىرىسىندا جانە 27 قاڭتاردا قاۋىپسىزدىك كەڭەسىنىڭ وتىرىسىندا بەرگەن تاپسىرمالارىن ورىنداۋ ءۇشىن، ۇلتتىق قاۋىپسىزدىك كوميتەتى ۆەدومستۆونىڭ قىزمەتىن قايتا فورماتتاۋ جونىندەگى جۇمىستى باستادى»، - دەلىنگەن ۇقك-نىڭ باسپا ءسوز قىزمەتىنىڭ حابارلاماسىندا.
ۇقك ورگاندارىنىڭ، ونىڭ ىشىندە شەكارا قىزمەتى مەن «ا» ارناۋلى ماقساتتاعى قىزمەتىنىڭ قۇرىلىمىن، مىندەتتەرى مەن فۋنكسيالارىن باعالاۋ جانە وڭتايلاندىرۋ بويىنشا ارنايى جۇمىس توبى قۇرىلدى.
تەرروريزمگە، ترانسۇلتتىق ۇيىمداسقان قىلمىسقا جانە حالىقارالىق ەسىرتكى بيزنەسىنە قارسى كۇرەس، سونداي-اق ەكونوميكالىق قاۋىپسىزدىكتى قامتاماسىز ەتۋ بولىمشەلەرىنىڭ قىزمەتىن قايتا قۇرۋ جانە نىعايتۋ ماسەلەلەرى جەكە شىعارىلدى. جەكە قۇرامنىڭ جاۋىنگەرلىك دايىندىعىن كۇشەيتۋ بويىنشا شارالار ازىرلەندى.
تەرروريزمگە قارسى كۇرەس جونىندەگى رەسپۋبليكالىق جەدەل شتاب كۇشتىك قۇرىلىمدار مەن مەملەكەتتىك ورگانداردىڭ تقو رەجيمى جاعدايىنداعى بىرلەسكەن ءىس-قيمىلدارىنا ولاردى جەتىلدىرۋ جونىندەگى شارالاردى ازىرلەي وتىرىپ تالداۋ جۇرگىزۋدە.
بۇل جۇمىستىڭ ناتيجەسى ۇلتتىق قاۋىپسىزدىك ورگاندارىنىڭ جەدەل-قىزمەتتىك ءىس-قيمىلىن ۇيىمداستىرۋدىڭ قۇرىلىمى مەن تاسىلدەرىن قايتا ۇيىمداستىرۋ بولادى.