2023 جىلعى 5 قازاندا ۇلتتىق قاۋىپسىزدىك كوميتەتى پوليسيا ورگاندارىمەن بىرلەسە جانە باس پروكۋراتۋرانىڭ ۇيلەستىرۋىمەن ءبىر مەزگىلدە جەتىسۋ، جامبىل جانە تۇركىستان وبلىستارىندا ارنايى وپەراسيا جۇرگىزدى، دەپ حابارلايدى almaty-akshamy.kzق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، وپەراسيا بارىسىندا قارۋ مەن ەسىرتكىنى زاڭسىز ساقتاۋعا، بوپسالاۋعا، زاڭسىز كوشى-قون ارنالارىن ۇيىمداستىرۋعا جانە وزگە دە اۋىر قىلمىستار جاساۋعا كۇدىكتى توپتاردىڭ 72 مۇشەسى تەرگەۋ امالدارىن جۇرگىزۋ ءۇشىن جەتكىزىلدى.
توپتار ءوز ارەكەتتەرىن قىتايمەن («قورعاس» حشىو)، وزبەكستانمەن («جىبەك جولى» وتكىزۋ پۋنكتى) جانە قىرعىزستانمەن («قورداي اۆتوموبيلدىك» وتكىزۋ پۋنكتى) شەكارالاس ۋچاسكەلەردە جۇزەگە اسىرعان.
ءتىنتۋ بارىسىندا اتىس قارۋى وق-دارىلەرىمەن، ءىرى اقشا قاراجاتتارى، ەسىرتكى، سونداي-اق وزگە دە زاتتاي دالەلدەمەلەر تاركىلەندى.
تەرگەۋ ءىس-شارالارى جۇرگىزىلۋدە.
«قىلمىستىق-پروسەستىك كودەكستىڭ 201-بابىنىڭ 1-بولىگىنە سايكەس وزگە اقپاراتتار جاريا ەتۋگە جاتپايدى»،-دەلىنگەن ۇقك باسپا ءسوز قىزمەتى تاراتقان اقپاراتتا.