ءماجىلوۆ قاڭتاردىڭ ورتاسىندا جۇمىسىنان بوساعان بولاتىن.
ۇلتتىق قاۋىپسىزدىك كوميتەتى الماتى دەپارتامەنتىنىڭ بۇرىنعى باسشىسى نۇرلان ءماجىلوۆ تەرگەۋگە الىندى، دەپ حابارلايدى Almaty-akshamy.kz Sputnik.kz سىلتەمە جاساپ.
ماجىلوۆتەن باسقا، ۇقك 5ء-شى دەپارتامەنتىنىڭ بۇرىنعى جەتەكشىسى رۋسلان ىسقاقوۆقا قاتىستى دا تەرگەۋ ءجۇرىپ جاتىر.
«ۇلتتىق قاۋىپسىزدىك ورگاندارىنىڭ قىزمەتكەرلەرى ن.ءماجىلوۆ پەن ر.ىسقاقوۆقا قاتىستى تەرگەۋ ءجۇرىپ جاتقانىن حابارلايمىز»، - دەلىنگەن باس پروكۋراتۋرانىڭ جاۋابىندا. حاتقا قىلمىستىق قۋدالاۋ قىزمەتى باسشىسىنىڭ ورىنباسارى ب.ماجرەنوۆ قول قويعان.
الماتىدا قاندى قاڭتار وقيعاسى باستالعان كەزدە، ۇقك الماتى دەپارتامەنتىن وسى ءماجىلوۆ باسقارعان. باس پروكۋراتۋرا وقيعا باستالعان كەزدە ۇقك دەپارتامەنتىنىڭ باسشىلىعى ارەكەتسىز وتىردى دەيدى. وسىلايشا، ءماجىلوۆ قاڭتاردىڭ ورتاسىندا جۇمىسىنان بوساعان بولاتىن.