بۇل تۋرالى ۇقك باسپا ءسوز قىزمەتى حابارلادى.
ءقازىر ۇلتتىق قاۋىپسىزدىك كوميتەتىنىڭ قىزمەتكەرلەرى رەتىندە وزدەرىن تانىستىراتىن تەلەفون الاياقتارىنىڭ قاتىسۋىمەن بولعان وقيعالار جيىلەپ كەتتى، دەپ حابارلايدى Almaty-akshamy.kz
قاسكۇنەمدەر اقشانى زاڭسىز يەلەنۋ ماقساتىندا قارجىلىق وپەراسيالاردى جۇرگىزۋگە ازاماتتاردان كومەك سۇرايدى.
«ۇقك قىزمەتكەرلەرىنىڭ قىزمەتتىك مىندەتتەرىن ورىنداۋ شەڭبەرىندە ازاماتتارعا نەسيە راسىمدەۋدى، اقشا اۋدارۋدى جانە وزگە دە قارجى وپەراسيالارىن جاساۋدى ۇسىنۋعا وكىلەتتىگى جوق ەكەنىن حابارلايمىز. كۇدىكتى تەلەفون قوڭىراۋلارى مەن حابارلامالار، ونىڭ ىشىندە الەۋمەتتىك جەلىلەر ارقىلى كەلىپ تۇسكەن كەزدە پوليسيا ورگاندارىنا جۇگىنۋدى ۇسىنامىز»، دەلىنگەن حابارلامادا.