الماتى قالاسىنىڭ ەكولوگيا جانە قورشاعان ورتا باسقارماسى پوليسيا دەپارتامەنتىمەن جانە تابيعات قورعاۋ پروكۋراتۋراسىمەن بىرلەسىپ، جىلجىمالى ەكولوگيالىق زەرتحانانى جانە 3 جىلجىمالى ەكولوگيالىق بەكەتتى تارتا وتىرىپ، الماتى قالاسىنىڭ اۋا باسسەينىن لاستاۋدىڭ نەگىزگى كوزى بولىپ تابىلاتىن اۆتوموبيلدەردىڭ پايدالانىلعان ۋلى گاز بەن ءتۇتىنىنىڭ دەڭگەيىن ولشەۋ بويىنشا رەيد جۇمىستارى جۇرگىزىلۋدە.
جۇك، جەڭىل اۆتوكولىكتەر مەن اۆتوبۋستار تەكسەرىلۋدە. الماتى قالاسى اكىمدىگىنىڭ 2023 جىلعى 1 اقپانداعى №1/56 قاۋلىسىمەن بەكىتىلگەن اۆتوموبيل كولىك قۇرالدارىنان شىعارىندىلاردى ولشەۋدى جۇزەگە اسىرۋ جونىندەگى قاعيدالارعا سايكەس پايدالانىلعان گازداردىڭ ۋىتتىلىعى مەن ءتۇتىنىنىڭ بەلگىلەنگەن نورمالارىنىڭ ساقتالۋىنا مونيتورينگ جۇرگىزىلەدى، دەپ حابارلايدى Almaty-akshamy.kz.
بەنزين قوزعالتقىشتارى بار اۆتوموبيلدەردىڭ پايدالانىلعان گازدارىن ولشەۋ كومىرسۋتەكتەردىڭ، كومىرتەگى وكسيدىنىڭ، كومىرقىشقىل گازىنىڭ، وتتەگىنىڭ قۇرامىنا سەرتيفيكاتتالعان «اۆتوتەست-02.03» كوپ كومپونەنتتى گاز اناليزاتورلارىمەن جۇرگىزىلەدى. ديزەلدى كولىكتەردىڭ پايدالانىلعان گاز ءتۇتىنىن مەتا-01 مپ 0.1(لتك،ك) ولشەگىشىنىڭ كومەگىمەن تەكسەرىلەدى.
شىعارىندىلاردا لاستاۋشى زاتتاردىڭ بولۋ نورماتيۆتەرىن بۇزعانى ءۇشىن كولىك قۇرالدارىنىڭ يەلەرى ق ر اقبتك–ءنىڭ 334-بابى («شىعارىندىلاردا لاستاۋشى زاتتاردىڭ بولۋ نورماتيۆتەرىن اسىرا وتىرىپ، اۆتوموتوكولىكتەردى جانە باسقا دا جىلجىمالى قۇرالداردى پايدالانۋ») بويىنشا اكىمشىلىك جاۋاپكەرشىلىككە تارتىلادى، وعان سايكەس جەكە تۇلعالارعا-10 اەك، زاڭدى تۇلعالارعا-100 اەك مولشەرىندە ەسكەرتۋ نەمەسە ايىپپۇل كوزدەلگەن. جىل ىشىندە قايتالانعان جاعدايدا اۆتوكولىك يەلەرىنە جەكە تۇلعالارعا – 20 اەك، زاڭدى تۇلعالارعا - 200 اەك مولشەرىندە ايىپپۇل سالىنادى.
2023 جىلى قالانىڭ پەريمەترى بويىنشا ورنالاسقان 19 ستاسيونارلىق ەكوپوستتا شامامەن 213 011 ولشەۋ جۇمىستارى جۇرگىزىلدى (بەنزين قوزعالتقىشىمەن - 206 492، ديزەل قوزعالتقىشىمەن – 6 519)، ولاردىڭ ىشىندە ۋلى گاز بەن ءتۇتىننىڭ بەلگىلەنگەن دەڭگەيىنىڭ ارتۋى بارلىق تەكسەرىلگەن اۆتوماشينالاردىڭ 15،4% انىقتالدى.
2023 جىلى الماتى قالاسى پوليسيا دەپارتامەنتىنىڭ قىزمەتكەرلەرى 26 مىڭعا جۋىق اكىمشىلىك حاتتاما جاسادى، ونىڭ ىشىندە:
- ق ر اقبتك-نىڭ 334-بابى 1-بولىگى بويىنشا (ەسكەرتۋ) - 20 382 اكىمشىلىك حاتتامالار؛
- ق ر اقبتك-نىڭ 334-بابى 1-بولىگى بويىنشا (ايىپپۇل) - 4 482 اكىمشىلىك حاتتامالار؛
- ق ر اقبتك-نىڭ 334-بابى 2-بولىگى بويىنشا (ايىپپۇل) - 864 اكىمشىلىك حاتتامالار؛
- جالپى سوماسى 207 414 000 تەڭگەگە ايىپپۇل ەسەپتەلدى، ونىڭ ىشىندە 145 272 765 تەڭگە (70% ءوندىرىپ الۋ) ءوندىرىلدى.