«قورعاس» شىحو اۋماعىنىڭ قازاقستان جاعىندا 6 زاڭسىز ويىن بيزنەسىن جانە ءبىر جەزوكشەلەر وشاعىن قحر ازاماتتارى ۇيىمداستىرعان. اتالعان ورىنداردى قما جەتىسۋ وبلىسى بويىنشا دەپارتامەنتى وبلىستىق پروكۋراتۋراسى، ۇلتتىق قاۋىپسىزدىك دەپارتامەنتى سونداي-اق وبلىستىق پوليسيا ءارى شەكارا قىزمەتىمەن بىرلەسە وتىرىپ جويدى، دەپ حابارلايدى اlmaty-akshamy.kz قارجىلىق مونيتورينگ اگەنتتىگىنىڭ باسپا ءسوز قىزمەتىنە سىلتەمە جاساپ.
انىقتالعانداي، استىرتىن ويىن مەكەمەلەرى تۇنگى ۋاقىتتا شەكتەۋلى ادامدار ءۇشىن، اتاپ ايتقاندا جۇڭگو ازاماتتارى ءۇشىن عانا جۇمىس ىستەگەن.
«ءتىنتۋ ناتيجەسىندە 4 كوممەرسيالىق عيماراتتا 76 ويىن اۆتوماتى، 43 ويىن ۇستەلى، قۇمار ويىندارىن ۇيىمداستىرۋعا قاجەتتى كوپتەگەن تەحنيكالىق قۇرال-جابدىقتار، سونداي-اق 60 مىڭ يۋاننان استام اقشالاي قاراجات تابىلىپ تاركىلەندى» - دەلىنگەن حابارلامادا.
سوتقا دەيىنگى تەرگەۋ جالعاسىپ جاتىر. ق ر قپك 201-بابىنا سايكەس، تەرگەۋ مۇددەسىندەگى وزگە دە مالىمەتتەر تاراتىلۋعا جاتپايدى.
ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قىلمىستىق-پروسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.