جەڭىستى ءسات!
قازاقستاندىق پيانيست «ۋوتەرمان» التىن مەدالىن جەڭىپ الدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
قازاق جىگىتى ءالىم بەيسەمبايەۆ انگليانىڭ ليدس قالاسىندا وتكەن 20-شى پيانيستەر بايقاۋىندا ۇزدىك دەپ تانىلدى. ەلىمىزدىڭ مادەنيەت جانە سپورت مينيسترلىگىنىڭ مالىمەتىنشە، وتاندىق ونەرپازعا «ۋوتەرمان» التىن مەدالى مەن قارجىلاي سىياقى تابىستالدى. سونىمەن قاتار جەڭىمپاز ليۆەرپۋلدەگى كورولدىك فيلارمونيا قاۋىمداستىعى مەن كورەرمەن كوزايىمى سىيلىعىنا يە بولدى. بۇعان قوسا Warner Classics-پەن داۋىس جازۋعا جانە ەۋروپا ەلدەرىنە تۋرنە جاساۋعا مۇمكىندىك الدى.
ءالىم بەيسەمبايەۆ – بايقاۋدا جەڭىسكە جەتكەن تۇڭعىش قازاقستاندىق ونەرپاز ەكەنىن ەرەكشە اتاپ ءوتۋ كەرەك. قازىرگى ۋاقىتتا دارىن يەسى لوندونداعى كورولدىك مۋزىكالىق كوللەدجىنىڭ ماگيسترانتى بولىپ تابىلادى.