ەلىمىزدە كوزدىڭ قاتەرلى ىسىگى كەزىندە كورۋ مۇمكىندىگىن ساقتاۋعا بولاتىن جاڭا ءادىس قولدانىلا باستادى

قازاقستاندا جىل سايىن رەتينوبلاستومانىڭ 20-25 جاڭا جاعدايى تىركەلەدى

پەدياتريا جانە بالالار حيرۋرگياسى عىلىمي ورتالىعى ورتالىق ازيادا العاش رەت رەتينوبلاستومانىڭ كوزدى ساقتاۋعا مۇمكىندىك بەرەتىن سەلەكتيۆتى ينتراارتەريالىق حيميوتەراپيانىڭ جوعارى تەحنولوگيالىق ورگان ساقتاۋ ەمىن جۇرگىزۋدى باستالدى، دەپ حابارلايدى Almaty-akshamy.kz. قازاقپارات سايتىنا سىلتەمە جاساپ. كوزدىڭ قاتەرلى دەرتىندە قولداناتىن بۇل ەم كوزدى، ءتىپتى كوزدىڭ كورۋ قابىلەتىن ساقتاۋعا مۇمكىندىك بەرەتىن كورىنەدى. 

رەتينوبلاستوما - كوزدىڭ قاتەرلى ىسىگىنىڭ سيرەك كەزدەسەتىن ءتۇرى. بۇل دەرت بالالار اراسىندا كەڭ تاراعان. رەتينوبلاستوما بۇكىل كوز الماسىن ىسىك تىنىمەن تولتىرۋمەن، كورۋ جۇيكەسىنە، كوزۇياسىنا، ميعا قاراي وسەتىن اگرەسسيۆتى اعىممەن سيپاتتالادى. ىسىك كورۋ قابىلەتىنىڭ جوعالۋى تۇرىندە عانا قاتەرلى ەمەس، سونىمەن قاتار مەتاستازدىڭ جانە باسقا مۇشەلەردەگى ەكىنشى قاتەرلى ىسىكتەردىڭ دامۋىنا اكەلۋىمەن دە ءقاۋىپتى. جىل سايىن الەمدە رەتينوبلاستوما دياگنوزىمەن 8100 بالا تىركەلەدى. ونىڭ 570 - 810-ى جاڭا تۋعان كەزدە انىقتالادى.

پەدياتريا جانە بالالار حيرۋرگياسى عىلىمي ورتالىعى ۇسىنعان مالىمەتكە سۇيەنسەك، جىل سايىن قازاقستاندا كوزدىڭ قاتەرلى ىسىگىنىڭ (رەتينوبلاستومانىڭ) 20-25 جاڭا جاعدايى انىقتالادى. 2015 جىلدان باستاپ رەتينوبلاستوماسى بار بارلىق ناۋقاستار پەدياتريا جانە بالالار حيرۋرگياسى عىلىمي ورتالىعىندا ەمدەلۋدە.