قاسىم-جومارت توقايەۆ ۆلاديمير ءپۋتيندى مەملەكەتتىك دۋما فەدەرالدى جينالىسىنىڭ VIII شاقىرىلىمىنا سايلاۋ ناۋقانىنىڭ ءساتتى وتۋىمەن قۇتتىقتادى.
مەملەكەت باسشىسى رەسەي فەدەراسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى، دەپ حابارلايدى Almaty-akshamy.kz
قازاقستان پرەزيدەنتى سايلاۋ ناتيجەسى رەسەيدىڭ ىشكى ساياسي تۇراقتىلىعىن نىعايتۋ ءۇشىن اسا ماڭىزدى دەپ ەسەپتەيدى.
سونىمەن قاتار قاسىم-جومارت توقايەۆ پەرم مەملەكەتتىك ۇلتتىق زەرتتەۋ ۋنيۆەرسيتەتىندە بولعان قاندى وقيعانىڭ سالدارىنان ادامداردىڭ قازا بولۋىنا بايلانىستى كوڭىل ايتتى.
اڭگىمەلەسۋ بارىسىندا ەكى مەملەكەت باسشىسى قازاقستان مەن رەسەي اراسىنداعى ساۋدا-ەكونوميكالىق قاتىناستاردىڭ قارقىندى دامۋىن وڭ باعالاپ، كوكشەتاۋدا 30 قىركۇيەكتە وتەتىن ءوڭىرارالىق ىنتىماقتاستىق فورۋمىنىڭ ماڭىزدىلىعىنا جانە ونىڭ مازمۇندى ءارى ساپالى بولۋىنا باسا نازار اۋداردى.