بۇگىنگى تاڭدا ءبىلىم بەرۋدى دامىتۋدىڭ باسىم باعىتتارىنىڭ ءبىرى ۋنيۆەرسيتەت پەن مەكتەپ اراسىندا تىعىز بايلانىس ورناتۋ جۇمىسىن جۇزەگە اسىرۋ بولىپ تابىلادى. وسى ماقساتتا ناۋرىزباي اۋدانى №176 مەكتەپ-گيمنازيا مەن قازاق ۇلتتىق قىزدار پەداگوگيكالىق ۋنيۆەرسيتەتى اراسىندا ەكى جاقتى مەموراندۋمعا قول قويىلعان بولاتىن. مەموراندۋم بويىنشا مەكتەپ پەن ۋنيۆەرسيتەت اراسىندا تىعىز بايلانىس ورناتۋ، مەكتەپتە بەيىندىك پاندەردى ۇيىمداستىرۋ جانە جۇرگىزۋ بويىنشا ادىستەمەلىك كومەك كورسەتۋ، ىنتىماقتاستىق شەڭبەرىندە بىرلەسكەن كونفەرەنسيا، سەمينارلار وتكىزۋدە مەكتەپكە قولداۋ كورسەتۋ جانە پەداگوگيكالىق پراكتيكانى وتكىزۋ بازاسىن قالىپتاستىرۋ سەكىلدى بىرنەشە جۇمىستاردى جۇزەگە اسىرۋدى كوزدەيدى.
2024 جىلدىڭ 22 اقپانىندا قازاق ۇلتتىق قىزدار پەداگوگيكالىق ۋنيۆەرسيتەتىمەن بىرلەسكەن «LESSON STUDY – ساباقتى زەرتتەۋ كوللابوراسياسى» تاقىرىبىندا ديالوگ الاڭى وتكىزىلدى. ماقساتى – ىس-ارەكەتتەگى زەرتتەۋدىڭ ەرەكەشە ۇلگىسى بولىپ تابىلاتىن پەداگوگيكالىق ءتاسىل – Lesson Study زەرتتەۋ ساباعىن جۇرگىزۋدەگى مۇمكىندىكتەردى تالقىلاۋ.
ءماجىلىستىڭ اشىلۋىندا №176 مەكتەپ گيمنازيا ديرەكتورى دۋيسەنبەكوۆا نۋرجامال ەسيركەپوۆنا ءسوز الىپ، سەمينار جۇمىسىنا ساتتىلىك تىلەدى.
ديالوگ الاڭىندا مەكتەپتەگى پەداگوگيكالىق پراكتيكانىڭ جۇرگىزىلۋ بارىسى تۋرالى اقپارات ديرەكتوردىڭ وقۋ ءىسى جونىندەگى ورىنباسارى ا.ك. تولەگەنوۆ تاراپىنان بەرىلىپ، الداعى مۇمكىندىكتەرى تۋرالى ايتتى.
ديالوگ الاڭىنىڭ مودەراتورى قازاق ۇلتتىق قىزدار پەداگوگيكالىق ۋنيۆەرسيتەتى اكادەميالىق باعدارلامالاردى ازىرلەۋ جانە ساپانى قامتاماسىز ەتۋ دەپارتامەنتىنىڭ ديرەكتورى ايدا باكىتبەكوۆنا «Lesson study: پەداگوگيكالىق تاجىريبەڭىزدى زەرتتەۋ ءۇشىن ونى قالاي پايدالانا الامىز؟» تاقىرىبىندا بايانداما جاساپ، قۇندى اقپاراتتارمەن ءبولىستى. Lesson Study ساباقتى زەرتتەۋدىڭ الەمدىك تاجىريبەلەرىمەن ءبولىسىپ، مۇمكىندىكتەرى تۋرالى اقپارات بەردى.
ديالوگ الاڭىنىڭ كەلەسى بولىمىندە پراكتيكانت-ستۋدەنتتەردىڭ زەرتتەۋ جۇمىسى اياسىنداعى 5 جوباسى تانىستىرىلىپ، تالقىلاندى. ديالوگ الاڭىندا ۋنيۆەرسيتەت تاراپىنان پ.ع.ك.، قاۋىم. پروفەسسور ر.ا. نابۋوۆا، اعا وقىتۋشى ج.ا. الييەۆا، قاۋىم. پروفەسسور، عىلىم كانديداتى ە.م. يمانوۆا جانە مەكتەپتەگى پراكتيكا جەتەكشىلەرى مەن ناۋرىزباي اۋدانىنىڭ جاس ماماندارى قاتىستى.
رەفلەكسيا بولىمىندە Lesson study ءادىسىن پەداگوگيكالىق تاجىريبەگە ەنگىزۋدەگى قۇندى پىكىرلەر №176 مەكتەپ-گيمنازيانىڭ قازاق ءتىلى مەن ادەبيەتى ءپانى ءمۇعالىمى، «ى. التىنسارين» توسبەلگىسىنىڭ يەگەرى، تاجىريبەلى ۇستاز كۋلپەيسوۆا گۋلزايرا نەسيپبەكوۆنا مەن باستاۋىش سىنىپ ءمۇعالىمى، تاجىريبەلى ۇستاز ساليمكانوۆا گۋلنار كاديرمانوۆنا تاراپىنان ايتىلىپ، پەداگوگيكالىق پراكتيكانىڭ جوعارى دەڭگەيدە وتكىزىلىپ جاتقانى تۋرالى ريزاشىلىقتارىن جەتكىزدى.