الماتى وبلىسىندا كوكتەمگى سۋ تاسقىنىنا ازىرلىك جۇمىستارى باستالىپ كەتتى. بۇل تۋرالى وڭىرىلىك كوممۋنيكاسيالار قىزمەتىندە وتكەن باسپا ءسوز ءماسليحاتىندا تجد توتەنشە جاعدايلاردىڭ الدىن الۋ باسقارماسىنىڭ باستىعى داۋرەن ازاماتوۆ ايتتى، دەپ حابارلايدى اlmaty-akshamy.kz
ونىڭ ايتۋىنشا، الماتى وبلىسىندا سۋ باسۋ ءقاۋپى بار 27 ەلدىمەكەن بار. ونىڭ جەتەۋىندە ءقاۋىپ تولىعىمەن جويىلىپ، 20 نىساندا ءقاۋىپ تومەندەتىلدى.
ايماقتاعى ەلدىمەكەندەردەن 3 مىڭنان استام تەكشە مەتر قار شىعارىلدى. 154،8 شاقىرىم ارىق جەلىلەرى، 48،2 شاقىرىم كانال، 87 بىرلىك اۆتوجول جانە جەتى بىرلىك تەمىر جول استىنداعى سۋ وتكىزۋ جانە 27،2 شاقىرىم سۋ بۇرۋ كانالدارى قازىلدى، — دەدى داۋرەن ازاماتوۆ.
سونىمەن قاتار ول ەڭبەكشىقازاق، تالعار، كەگەن جانە قاراساي اۋداندارىنىڭ 12 ەلدىمەكەنىندە جەرگىلىكتى جانە رەسپۋبليكالىق ماڭىزى بار جولدارداعى 88 سۋ وتكىزۋ قۇبىرى اۋىستىرىلىپ، 435 شاقىرىم ارىق-كانال جۇيەسى قايتا جاڭارتىلعانىن اتاپ ءوتتى.