بۇل قاشىقتىقتا يتالياندىق ريككاردو لورەللو چەمپيون اتاندى
2023 جىلعى قىسقى ۋنيۆەرسيادانىڭ 5000 مەتر قاشىقتىققا كونكيمەن جۇگىرۋ سايىسىنا ەكى قازاقستاندىق سپورتشى قاتىستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اتالعان سايىستا ەلىمىزدىڭ اتىنان باقداۋلەت ساعاتوۆ پەن اندرەي زۋيەۆ ەل نامىسىن قورعادى.
ناتيجەسىندە ب.ساعاتوۆ 5ء-شى، ا.زۋيەۆ 16-شى ورىن الدى.
بۇل قاشىقتىقتا يتالياندىق ريككاردو لورەللو چەمپيون اتانسا، ودان كەيىنگى ورىنداردى تاعى ءبىر يتالياندىق دانيەلە دي ستەفانو مەن جاپونيالىق موتوناگا اريتو ءوزارا ءبولىستى.
ەسكە سالساق، قازاقستان قۇراماسى مەدالدار كەستەسىندە ونىنشى ورىندا تۇر.
ازىرگە ەل قۇراماسى قورجىنىندا جالعىز التىن مەدال بار.
14 قاڭتاردا قازاقستاندىق بياتلونشى ۆاديم كۋرالەس 15 شاقىرىم قاشىقتىقتا جەكەلەي سىندا مارە سىزىعىن ءبىرىنشى بولىپ قيعان ەدى.