الماتىدا «قىز جىبەك» وپەراسى قويىلدى

باقىت ءاشىموۆانىڭ تۋعانىنا 85 جىل

اباي اتىنداعى قازاق ۇلتتىق اكادەميالىق وپەرا جانە بالەت تەاترىندا قازاقستاننىڭ حالىق ءارتىسى باقىت ءاشىموۆانىڭ تۋعانىنا 85 جىل تولۋىنا وراي ەۆگەنيي برۋسيلوۆسكييدىڭ «قىز جىبەك» وپەراسى قويىلدى، دەپ حابارلايدى Almaty-akshamy.kz.

«قىز جىبەك» وپەراسىنداعى باستى رولدەردى ايگەرىم شارىپبەك (جىبەك)، بولات قاناعاتوۆ (تولەگەن)، ەسەنگەلدى رزا (بەكەجان) ويناسا، سپەكتاكلدەگى قامقا پارتياسىن باقىت ءاشىموۆانىڭ شاكىرتى ق ر ەڭبەك سىڭىرگەن قايراتكەرى دينا حامزينا سومدادى.

باقىت ءاشىموۆانىڭ شىعارماشىلىق ءومىرى 30 جىلدان استام اباي اتىنداعى قازاق مەملەكەتتىك اكادەميالىق وپەرا جانە بالەت تەاترىمەن تىعىز بايلانىستا بولدى.

باقىت ءاشىموۆا قازاق جانە شەتەل كلاسسيكاسىنىڭ وپەرا سپەكتاكلدەرىندە كوپتەگەن پارتيالاردى ورىندادى.

ونىڭ ە.برۋسيلوۆسكييدىڭ «قىز جىبەك» وپەراسىنداعى قامقا، ا.جۇبانوۆ پەن ل.ءحاميديدىڭ «اباي» وپەراسىنداعى قارلىعاش، ب.جۇمانيازوۆتىڭ «ماحامبەت» وپەراسىنداعى فاتيما، م.تولەبايەۆتىڭ «ءبىرجان-سارا» وپەراسىنداعى انالىق، س.مۇحامەدجانوۆتىڭ «ايسۇلۋ» وپەراسىنداعى نۇرسۇلۋ، ە.راحمادييەۆتىڭ «قامار سۇلۋ» وپەراسىنداعى بەينەلەرى شىعارماشىلىق قىزمەتىنىڭ شىرقاۋ شىڭى بولدى.

قۇرمەتتى دەمالىسقا شىققاننان كەيىن باقىت ءاشىموۆا ءوزىنىڭ شىعارماشىلىق قىزمەتىن اباي اتىنداعى قازاق ۇلتتىق اكادەميالىق وپەرا جانە بالەت تەاترىندا رەپەتيتور-ۇستاز رەتىندە جالعاستىردى.

باقىت ءاشىموۆانىڭ شاكىرتتەرى قازاقستان قالالارىندا عانا ەمەس، شەت ەلدەردە دە جەمىستى ەڭبەك ەتىپ، ونەر كورسەتىپ ءجۇر.

ونىڭ كوپشىلىكتى ءسۇي̆سىندىرگەن اسەم داۋىسى، تابيعي شەبەرلىگى كلاسسيكالىق جانە حالىقتىق مۋزىكانى ءسۇي̆ەتىن كورەرمەندەرىنىڭ جۇرەگىندە ماڭگى قالادى.

ەسكە سالايىق، باقىت ءاشىموۆا وسىدان ون ءبىر جىل بۇرىن 75 جاسقا قاراعان شاعىندا ومىردەن وزعان بولاتىن.