پرەزيدەنت قاسىم-جومارت توقايەۆتىڭ باستاماسىمەن وتەتىن استانا حالىقارالىق فورۋمىنا قاتىسۋ ءۇشىن UNESCO-نىڭ باس ديرەكتورى ودرە ازۋلە قازاقستانعا كەلدى، دەپ حابارلايدى Almaty-akshamy.kz اقورداعا سىلتەمە جاساپ.
جۇمىس ساپارى اياسىندا ودرە ازۋلە تۇركىستان قالاسىنا بارىپ، UNESCO-نىڭ بۇكىلالەمدىك مۇرالار تىزىمىنە قازاقستاندىق نىساندار اراسىنان ءبىرىنشى بولىپ كىرگەن قوجا احمەت ياساۋي كەسەنەسىن ارالاپ كوردى.
نىساندى ارالاۋ بارىسىندا مەملەكەتتىك كەڭەسشى، UNESCO جانە ICESCO ىستەرى جونىندەگى ۇلتتىق كوميسسيانىڭ ءتوراعاسى ەرلان قارين حالىقارالىق ۇيىمنىڭ باسشىسىنا كەسەنەنى ساقتاۋعا قاتىستى اتقارىلىپ جاتقان جۇمىستار جايىندا ايتتى.
ودرە ازۋلە قازاقستان تاراپىنىڭ تاريحي-مادەني مۇرالاردى ساقتاۋعا بايلانىستى قابىلداعان شارالارى جونىندەگى اقپاراتتى ۇلكەن ىقىلاسپەن تىڭدادى.