سولتۇستىك قازاقستان وبلىسىنا مۇحاممەد پايعامباردىڭ مۇباراك شاشى اكەلىندى.
«حابار 24» مالىمەتىنشە، ارنايى قۇتىعا سالىنعان اسىل جادىگەر ۋاقىتشا يسلام مادەنيەتى مۋزەيىنە قويىلعان. پايعامباردىڭ شاشى ءقازىر شىمكەنت تۇرعىنىنىڭ قولىندا ەكەن. ەرتە كەزدەرى ونى وزبەكستاندىق عالىمدار سىيلاعان. ارنايى قۇجاتى دا بار. ال ول "تاساتتىق" نامازى وقىلعان كەزدە وڭىرگە بەرەكە اكەلسىن دەگەن نيەتپەن جەتكىزىلگەن. بۇگىندە ەلىمىزدىڭ سولتۇستىگىندە اپتاپ ىستىق. اۋا-رايى 35 گرادۋستان تومەندەمەي تۇر. سوندىقتان مۇسىلماندار قاۋىمى اللادان جاڭبىر سۇراپ، ءدىني ءراسىم ۇيىمداستىرىپ جاتىر.
«ءامىر تەمىردىڭ كەزىندە قىزمەت قىلعان ۇلكەن عۇلاما كىسىلەردىڭ ۇرپاقتارىنان ۇرپاقتارىنا، اتالارىنان جەتىپ وتىرعان، ساقتاپ وتىرعان. بۇل تەك ءبىر كىسىنىڭ ۇيىندە تۇرماۋى كەرەك. حالىق كورۋى كەرەك. حالىق سول جەردە سالاۋات ايتۋى كەرەك. سونى كورىپ، پايعامبارعا دەگەن ساعىنىشىن سول جەردە باسۋى كەرەك»، - دەدى «قازاقستان قاجىلار قاۋىمداستىعى»تۇركىستان وبلىسى فيليالىنىڭ ءتوراعاسى قاليوللا مادجانوۆ.
«ەلگە دۇعا جاساۋ، جاڭبىر تىلەۋ. ەگىنىمىز، ەككەن داقىلدارىمىز بىتىك شىقسىن دەگەن ماقساتتا وسى "تاساتتىق" نامازىن وقىعالى وتىرمىز. ەندى، البەتتە، بۇل ءىستىڭ بەرەكەسىن ارتتىرۋداعى ماقساتى - پايعامبارىمىزدىڭ مۇباراك شاشى. ارنايى الدىرتىپ وتىرمىز. پايعامبارىمىزدىڭ ءاربىر جۇرگەن جەرى بەرەكەلى بولعان عوي. سول ءبىر بەرەكەسى تيە مە دەگەن ماقسات. ادامداردىڭ نيەتىنە بايلانىستى. "تاساتتىق" بۇگىن قالامىزدا بولادى»، - دەدى سولتۇستىك قازاقستان وبلىسىنىڭ باس يمامى حامزات قاجىمۇرات ۇلى.