شەتەلدىك ماماندار ورتالىققا 2023 جىلدىڭ قىركۇيەگىنە جوسپارلانعان «بۇۇ اسكەري باقىلاۋشىلارى» كۋرسىن ازىرلەۋگە جاردەمدەسۋ ءۇشىن كەلدى، دەپ حابارلايدى Almaty-akshamy.kz.
دەلەگاسيا قۇرامىندا ءۇندىستان قارۋلى كۇشتەرىنىڭ بىتىمگەرلىك دايارلىق سالاسىنداعى ساراپشىلار – بريگادا گەنەرالى پارامۆير سينگح داگار، پودپولكوۆنيك ۆينييت كۋمار جانە مايور دييپ سينگح راتودە بار.
دەلەگاسيا مۇشەلەرى ءۇندى تاراپىنىڭ قولداۋىمەن جوندەلىپ، جاراقتاندىرىلعان ءۇندى-قازاق بىتىمگەرلىك سىنىبىنا بارىپ، قارقىندى تىلدىك دايارلىق كابينەتتەرىنىڭ جابدىقتارىمەن جانە ن. تىلەندييەۆ اۋىلىنداعى «بىتىمگەر» وقۋ-جاتتىعۋ ورتالىعىنىڭ ينفراقۇرىلىمىمەن تانىستى.
– بىتىمگەرلىك دايىندىق سالاسىنداعى ىنتىماقتاستىق پەن تاجىريبە الماسۋ حالىقارالىق كۋرستاردى وتكىزۋ ساپاسىن جاقسارتۋعا، وقىتۋدىڭ زاماناۋي ادىستەرىن ەنگىزۋگە ىقپال ەتەدى، – دەپ بىتىمگەرلىك وپەراسيالار ورتالىعىنىڭ باستىعى پولكوۆنيك باۋىرجان نىعمەتۋللين سەرىكتەستىكتىڭ جاقسى جاعىن اتاپ ءوتتى.
ءوز كەزەگىندە بريگادا گەنەرالى پارامۆير سينگح داگار قازاقستان تاراپىنا جۇمىس ساپارىن ۇيىمداستىرعانى ءۇشىن العىسىن ءبىلدىرىپ، بىتىمگەرلەردى دايارلاۋ سالاسىنداعى ءوزارا ءىس-قيمىلدى ودان ءارى نىعايتۋعا دايىن ەكەنىن ءبىلدىردى.
اتالعان كۋرس باعدارلاماسىنا دارىستەر، وقۋ جاتتىعۋلارى، سونداي-اق بۇۇ-نىڭ بەيبىتشىلىكتى ساقتاۋ جونىندەگى قولدانىستاعى وپەراسيالارىنىڭ جاعدايلارىنا بارىنشا جاقىن سەنارييلەر مەن جاعدايلاردى پىسىقتاۋمەن پراكتيكالىق ساباقتار كىرەدى.
وسىنداي كۋرستى وتكىزۋ جانە ونى بۇۇ-دا ودان ءارى سەرتيفيكاتتاۋ قازاقستاننىڭ قارۋلى كۇشتەرىنە بۇۇ تالاپتارى مەن ستاندارتتارىن ساقتاي وتىرىپ، اسكەري بايقاۋشىلاردى دەربەس دايارلاۋعا مۇمكىندىك بەرەدى.