QR-كودى ارقىلى تولەمدى سول جەردە جاساۋعا بولادى
استانانىڭ حقو-دا قۇجات الاتىن تەرمينالى ىسكە قوسىلدى. اۆتوماتتاندىرىلعان وز-وزىنە قىزمەت كورسەتۋ تەرمينالى بيومەتريالىق جۇيەمەن، فوتوسۋرەتكە ءتۇسىرۋ فۋنكسياسىمەن جانە ارنايى ينتەرفەيسپەن جابدىقتالعان، دەپ حابارلايدى Almaty-akshamy.kz polisia.kz-كە سىلتەمە جاساپ.
ونىڭ كومەگىمەن ادام جەكە كۋالىك نەمەسە ءتولقۇجات الۋعا ءوز بەتىنشە ءوتىنىش بەرە الادى.
قۇجاتتاندىرۋ تەرمينالى ەلوردالىق حقكو-دا پيلوتتىق رەجيمدە ىسكە قوسىلدى. جوبانى ءىىم مەن سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى بىرلەسىپ ازىرلەدى. جاڭا حقكو-دا 4 وسىنداي قۇرىلعى جۇمىس ىستەيتىن بولادى. جاڭا اپپاراتپەن بۇگىن ىشكى ىستەر ءمينيسترى مارات احمەتجانوۆ پەن سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين تانىستى.
بۇل تەحنولوگيا مەملەكەت ۇسىناتىن قىزمەتتەردىڭ ساپاسى مەن جىلدامدىعىن ارتتىرادى، قۇجاتتاردى رەسىمدەۋ مەرزىمىن ەداۋىر قىسقارتادى، سىبايلاس جەمقورلىق تاۋەكەلدەرىن ازايتادى. سەبەبى بارلىق پروسەسس اشىق تۇردە جۇرگىزىلەدى.
قۇرىلعىنىڭ كومەگىمەن تەك ءوتىنىش بەرىپ قانا قويماي، دەرەكقورداعى فوتوسۋرەت بويىنشا جەكە باستى سايكەستەندىرىپ، QR-كودى ارقىلى تولەمدى سول جەردە جاساۋعا بولادى.
بىرنەشە قادام جاساۋ جەتكىلىكتى:
- جسن جانە ۇيالى تەلەفون ءنومىرىن ەنگىزۋ؛
- سۋرەتكە ءتۇسىرۋ جانە قول قويۋ؛
- ەكرانداعى QR-كودتى پايدالانىپ، مەملەكەتتىك باجدى تولەۋ؛
- SMS ارقىلى قالىپتاستىرىلعان قولحات الۋ؛
- كوشى-قون قىزمەتىنىڭ قىزمەتكەرىنە ءوتىنىم ءنومىرىن دايىنداۋ ءۇشىن كورسەتۋ.
بۇل رەتتە ۇيالى تەلەفون ءنومىرىڭىزدى ءموبيلدى ازاماتتار بازاسىنا تىركەۋ قاجەت، ءبىراق مۇنى ءوتىنىمدى رەسىمدەۋ كەزىندە دە جاساۋعا بولادى.
ايتا كەتۋ كەرەك، بۇگىن ءىىم تەرمينال ارقىلى رەسىمدەلگەن جەكە كۋالىك دايىندادى. قانات دارىبايەۆ جاڭا اپپاراتتى پايدالانعان العاشقى ادام بولدى.