2030 جىلعا دەيىن تاعى 20 مىڭ ورىنعا جاتاقحانا سالۋ جوسپارلانۋدا
2023 جىلدىڭ 3 ناۋرىزىندا الماتى قالاسىنىڭ جاستار لوفت-ورتالىعىندا ستۋدەنتتىك جاتاقحانالار قۇرىلىسىنىڭ جوبالىق ءوفيسىنىڭ اشىلۋى ءوتتى، وعان قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى ساياسات نۇربەك پەن الماتى قالاسى اكىمىنىڭ ورىنباسارى ارمان قىرىقبايەۆ قاتىستى، دەپ حابارلايدى Almaty-akshamy.kz.
جوبالىق وفيس جەرگىلىكتى اتقارۋشى ورگاندارعا، جوعارى وقۋ ورىندارى مەن ينۆەستورلارعا ستۋدەنتتەردى جاتاقحانامەن قامتاماسىز ەتۋ جونىندەگى ماسەلەلەردى جەدەل جانە جۇيەلى شەشۋ ءۇشىن الاڭ ۇسىنادى.
جوبالىق ءوفيستىڭ نەگىزگى فۋنكسيالارى:
- جاتاقحانالارداعى ستۋدەنتتىك ورىنداردىڭ تاپشىلىعىن شەشۋ بويىنشا جوعارى وقۋ ورىندارىمەن جانە ينۆەستورلارمەن ءوزارا ارەكەتتەسۋ؛
- قۇرىلىسقا جاردەم كورسەتۋ ماسەلەلەرى بويىنشا الماتى قالاسىنىڭ جەر قاتىناستارى، قالالىق جوسپارلاۋ جانە ۋربانيستيكا، قالا قۇرىلىسىن باقىلاۋ باسقارمالارىمەن ءوزارا ارەكەتتەسۋ؛
- جوعارى وقۋ ورىندارى مەن الەۋەتتى ينۆەستورلار ءۇشىن زاڭگەرلىك، كونسۋلتاسيالىق، ساراپتامالىق جانە باسقا دا قىزمەتتەر كورسەتۋ.
بۇگىنگى تاڭدا الماتى قالاسىنداعى ستۋدەنتتىك جاتاقحانالارداعى جالپى توسەك-ورىن تاپشىلىعى – 32 مىڭدى قۇرايدى.
الماتى قالاسىن دامىتۋدىڭ 2025 جىلعا دەيىنگى باعدارلاماسى شەڭبەرىندە 12 مىڭ توسەك-ورىنعا، ال 2030 جىلعا دەيىن تاعى 20 مىڭ ورىنعا جاتاقحانا سالۋ جوسپارلانۋدا.
ستۋدەنتتەردى جاتاقحانالارداعى ورىندارمەن قامتاماسىز ەتۋ بويىنشا بىرلەسكەن جۇمىستى ودان ءارى جاقسارتۋ ءۇشىن عىلىم جانە جوعارى ءبىلىم مينيسترلىگى مەن الماتى قالاسىنىڭ اكىمدىگى اراسىندا ىنتىماقتاستىق تۋرالى مەموراندۋمعا قول قويىلدى.
جوبالىق وفيس الماتى قالاسى، بايتۇرسىنوۆ كوشەسى، 22 مەكەنجايىندا ورنالاسقان. بارلىق سۇراقتار بويىنشا الماتى قالاسى جاستار ساياساتى باسقارماسىنا حابارلاسۋعا بولادى – دانيا ابدۋللينا (8 701 491 54 94).