ءۇندىستاننىڭ بيحار قالاسىندا گانگا وزەنىندە سالىنىپ جاتقان ءتورتجولاقتى سۋلتانگاندج-اگۋاني گحات كوپىرى وپىرىلدى.
ول قۇرىلىس كەزىندەگى قاتەلىكتەن وپىرىلىپ كەتكەن، دەپ حابارلايدى Almaty-akshamy.kz
اپات سالدارىنان كەم دەگەندە 30 پليتانىڭ دىڭگەكتەرى قۇلاعان.
بۇل وسى كوپىردەگى ەكىنشى جاعداي. 2022 جىلدىڭ ساۋىرىندە №4، 5 جانە 6 دىڭگەكتەرى قيراعان بولاتىن. وقيعا بەكىتىلمەگەن كابەل باعانىنان بولعان. تۇرعىنداردىڭ ءبىر بولىگى بۇعان ساپاسىز قۇرىلىس ماتەريالدارىن پايدالانعان قۇرىلىسشىلاردى كىنالاۋدا.
بيلىك وكىلدەرى كوپىر كونسترۋكسياسىنىڭ قۇلاۋ سەبەبىن تەكسەرىپ، كىنالىلەردى انىقتاۋعا جانە ولارعا قاتىستى قاتاڭ شارالار قولدانۋعا تاپسىرما بەردى. كوپىر قۇرىلىسى 2020 جىلدىڭ ناۋرىزىندا اياقتالۋى ءتيىس ەدى، ءبىراق ول ءۇش جىلدان استام ۋاقىتقا سوزىلىپ كەتتى.