تاجىكستان استاناسى دۋشانبەدە دزيۋدودان الەمدىك گران-پري-2023 سەرياسىنىڭ كەزەكتى ءتۋرنيرى اياقتالدى دەپ حابارلايدى Almaty-akshamy.kz.
Zakon.kz. مالىمەتى بويىنشا قازاقستان قۇراماسىنىڭ قورجىنىنا تاعى ءبىر قولا مەدال سالىندى،
100 كەلىدەن جوعارى سالماقتا ونەر كورسەتەتىن قازاقستاندىق دزيۋدوشى ەراسىل قاجىبايەۆ قولا جۇلدەنىڭ يەگەرى اتاندى. ءۇشىنشى ورىن ءۇشىن وتكەن بەلدەسۋدە اۋىر سالماقتاعى بالۋانىمىز پولشادان كەلگەن سپورتشى كاسپەر سزۋروۆسكييدى ۇتتى.
ال وسى جارىستىڭ العاشقى كۇنى تاعى ءبىر قازاقستاندىق سۇڭعات جۇبات (66 كەلى) قولا جۇلدەگەر اتاندى. وكىنىشكە قاراي، بۇل ەكى مەدال دزيۋدوشىلارىمىزعا گران-پريدىڭ ۇزدىك كوماندالارى اراسىندا ۇزدىك ۇشتىككە كىرۋگە مۇمكىندىك بەرمەدى.
تاجىكستاندا وتكەن گران-پري كەزەڭىنىڭ قورىتىندىسى بويىنشا كوماندالىق ەسەپتە رەسەيلىكتەر جەڭىمپاز اتاندى، ولار 11 مەدال جەڭىپ الدى، ونىڭ ىشىندە 5 التىن، 4 كۇمىس جانە 2 قولا. تاتامي يەلەرى ەكىنشى ورىندى (3-3-1) ەنشىلەسە، ۇزدىك ۇشتىكتى گەرمانيا قۇراماسى (1 التىن جانە 2 كۇمىس) جاپتى.