ولار The Goa International Robotics Festival اشىق چەمپيوناتىندا ب ا ق سىناسادى.
قۇرامىندا بارلىعى 70 وقۋشى بار التى قازاقستاندىق كوماندا ءۇندىستانعا روبوتوتەحنيكا چەمپيوناتىنا جول ءجۇرىپ كەتتى، دەپ حابارلايدى اlmaty-akshamy.kz.
Sana Team، Zhylyoi technic، Qazaq style، Xcellence، Billion team، Stay hydrated جانە Nova Fusion كوماندالارى ءۇش سانات بويىنشا سايىسقا تۇسەدى: FIRST LEGO League Explore، FIRST Lego League Challenge جانە FIRST Tech Challenge. ولاردىڭ قۇرامىندا استانا جانە الماتى قالالارىنان، اتىراۋ وبلىسىنىڭ قۇلسارى، پاۆلودار وبلىسىنىڭ ەكىباستۇز قالالارىنان كەلگەن وقۋشىلار دا بار.
«بۇل چەمپيوناتقا بۇرىن حالىقارالىق جارىستاردا تاجىريبەسى جوق وقۋشىلار دا قاتىسۋعا مۇمكىندىك الدى. ءبىزدىڭ بالالارىمىز ەل نامىسىن جوعارى دەڭگەيدە قورعاۋعا نيەتتى»، - دەيدى الماتى قالاسى ءبىلىم باسقارماسى جانىنداعى «الماتى دارىنى» ورتالىعىنىڭ ءبولىم باسشىسى جاننا المۋسايەۆا.
ەستەرىڭىزگە سالا كەتەيىك، قازاقستاندىق وقۋشىلار وتكەن جىلدىڭ جەلتوقسان ايىندا USTEM Foundation قوعامدىق قورى ۇيىمداستىرعان Almaty Tech Cup رەسپۋبليكالىق تۋرنيرىندە الماتى قالاسى اكىمدىگىنىڭ جانە وقۋ-اعارتۋ مينيسترلىگىنىڭ قولداۋىمەن چەمپيوناتقا جولداما العان ەدى. چەمپيوناتقا ءار ەلدەن بارلىعى 220 كوماندا قاتىسادى.