IFC جۇمىس ىستەيتىن مەملەكەتتەردە بىرلەسكەن جوبالارعا جەكە كاپيتالدى تارتۋ ماقساتىندا ۇكىمەتكە كەڭەس بەرەدى.
بۇگىنگى تاڭدا كورپوراسيا 120 مەملەكەتتە 500-گە جۋىق جوبانى ىسكە اسىردى، دەپ حابارلايدى Almaty-akshamy.kz سۋ جانە يرريگاسيا مينيسترلىگىنە سىلتەمە جاساپ.
مينيستر ءوز كەزەگىندە جەراستى سۋلارىن زەرتتەۋ جانە بارلاۋ تاجىريبەسى بار ينۆەستورلارمەن سەرىكتەستىك ورناتۋعا نيەتتى ەكەندىگىن ءبىلدىردى. سونداي-اق، نۇرجان نۇرجىگىتوۆ جاڭا سۋ قويمالارى مەن سۋارۋ جۇيەلەرىنىڭ قۇرىلىسى بويىنشا ىنتىماقتاستىق مۇمكىندىگىن قاراستىرۋدى ۇسىندى.
IFC وكىلدەرى كورپوراسيا ينۆەستورلاردى تارتۋ بويىنشا كونسۋلتاسيادان بولەك، ستراتەگيالىق جوسپارلاۋ ماسەلەسىندە دە كومەك كورسەتەتىنىن حابارلادى. تانىسۋ ماقساتىنداعى كەزدەسۋدىڭ قورىتىندىسى بويىنشا تاراپتار سۋ سالاسى ماماندارىنىڭ قاتىسۋىمەن ودان ءارى تالقىلاۋ وتكىزۋگە كەلىستى.
«كوپتەگەن ماسەلەلەر بويىنشا ءبىزدىڭ ۇستانىمدارىمىز ساي كەلەدى. جوبالاردى ۋاقتىلى جانە ساپالى ىسكە اسىرۋ عانا ەمەس، سونىمەن قاتار، اياقتاعاننان كەيىن ولاردىڭ ومىرشەڭدىگىن قامتاماسىز ەتۋ ماڭىزدى. سۋ سالاسىندا ۇلكەن تاجىريبەسى بار ينۆەستورلاردى تارتۋ گيدروتەحنيكالىق قۇرىلىستاردى جانە باسقا دا ماڭىزدى ينفراقۇرىلىمدى رەكونسترۋكسيالاۋ مەن جاڭعىرتۋدى ەداۋىر جەدەلدەتەدى»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.