ءۇندىستاننىڭ سولتۇستىك-شىعىسىندا توپەلەپ جاۋعان نوسەر سوڭى تاسقىنعا ۇلاستى.
ماماندار قاتتى جاۋىن-شاشىن پاگلاديا وزەنىنىڭ ارناسىنان شىعىپ كەتۋىنە اكەپ سوقتى دەيدى.
«حابار 24» ارناسى تاراتقان اقپاراتقا ساي، اسسام شتاتىنىڭ تۇرعىندارى ۇيلەرىن تاستاپ كەتۋگە ءماجبۇر. سوڭعى دەرەكتەرگە قاراساق، اپات سالدارىنان 45 مىڭ تۇرعىن زارداپ شەككەن. حالىق بەلدەن كەلەتىن سۋ كەشىپ ءجۇر. جەرگىلىكتى بيلىك تۇرعىنداردى ءقاۋىپسىز جەرگە كوشىرۋگە قامداندى. ءقازىر ەلدە ءقاۋىپ كورسەتكىشى ەڭ جوعارى دەڭگەيگە كوتەرىلىپ وتىر. ازىرگە جارالانعاندار تۋرالى اقپارات تۇسكەن جوق. بيلىك وكىلدەرى ەندى تاسقىن سوڭى لاي كوشكىنىنە ۇلاسۋى مۇمكىن دەپ حالىققا ەسكەرتۋ جاسادى.