پرەزيدەنت باسقا وڭىرگە اۋىسقان مەملەكەتتىك قىزمەتشىلەرگە باسپانا جالداۋمەن بايلانىستى روتاسيالىق تولەمدى قولدانىسقا ەنگىزەتىن جارلىققا قول قويدى.
بۇل قۇجات – «مەملەكەتتىك قىزمەت وتكەرۋدىڭ كەيبىر ماسەلەلەرى» تۋرالى ق ر پرەزيدەنتىنىڭ 2015 جىلعى 29 جەلتوقسانداعى №152 جارلىعىنا وزگەرىس ەنگىزۋدى كوزدەيدى.
قۇجاتتى پارلامەنت قاراۋىنا مەملەكەتتىك قىزمەت ىستەرى اگەنتتىگى ازىرلەپ ۇسىنعان، دەپ حابارلايدى Almaty-akshamy.kz.
«ەلىمىزدە مەملەكەتتىك قىزمەتشىلەردىڭ روتاسياسى ەنگىزىلگەن. ونىڭ ماقساتى – وڭىرلەر اراسىندا تاجىريبە الماسۋ، قىزمەتشىنىڭ تاجىريبەسىن جان-جاقتى جەتىلدىرۋ، سىبايلاس جەمقورلىققا توقسقاۋىل قويۋ. قولدانىستاعى زاڭناماعا سايكەس، وزگە وڭىرگە روتاسيالاناتىن قىزمەتشىگە ۋاقىتشا تۇرعىن ءۇي بەرىلۋى ءتيىس. الايدا قىزمەتتىك پاتەرلەر جەتىسپەگەننەن كەيىن، روتاسيالانعان قىزمەتشىلەر ءوز قاراجاتىنا پاتەر جالداۋعا ءماجبۇر. بۇل كوپتەگەن قىزمەتشىلەردىڭ روتاسيادان باس تارتۋىنا الىپ كەلەدى. روتاسيالىق تولەمدى ەنگىزۋ وسى ماسەلەنى شەشۋشە باعىتتالىپ وتىر»، - دەگەن بولاتىن اگەنتتىك ءتوراعاسى دارحان جازىقبايەۆ.
بۇعان دەيىن رەسپۋبليكالىق بيۋدجەتتىك كوميسسيا اتالعان تولەمدى ەنگىزۋ ءۇشىن 2023-2025 جىلدارعا قاجەت قاراجاتتى ءبولۋ ۇسىنىسىن ماقۇلداعان بولاتىن.