ءۇندىستانعا 3200 ادام كەلگەن
نيۋ-دەلي ۇلتتىق مۇراعاتىندا قۋعىن-سۇرگىن جانە اشارشىلىق جىلدارى ءۇندىستانعا قىتايدان كەلگەن 3 مىڭنان استام قازاقتىڭ دەرەگى تابىلعان دەپ حابارلادى Almaty-akshamy.kz حابار ارناسىنا سىلتەمە جاساپ.
بىلتىر ۇلتتىق قولجازبا ورتالىعى قىزمەتكەرلەرى ءۇندىستانعا جاساعان عىلىمي ەكسپەديسياسى بارىسىندا قۇجاتتار تاپقان. دەلەگاسيا قاتىسۋشىلارىنىڭ ايتۋىنشا، اتا-بابالارىمىز لوكپال مەن قارابات ماڭىندا ءومىر سۇرگەن. سودان كەيىن قونىس اۋدارۋشىلاردىڭ ءبىر بولىگى تۇركياعا كەتكەن، وندا ءالى كۇنگە دەيىن ەتنيكالىق قازاقتار تۇرادى.
ءۇندىستاندا تابىلعان سيرەك كەزدەسەتىن فوتوسۋرەتتەر مەن حاتتار 26 مامىر كۇنى استاناداعى مۇراعاتتىق قۇجاتتار كورمەسىندە كوپشىلىككە ۇسىنىلدى.
"بۇل – راستالعان دەرەكتەر. ءۇندىستانعا 3200 ادام كەلگەن. سونداي-اق ولاردا مال، ەكى مىڭ قوشقار، 500-گە جۋىق جىلقى بولعان. مىڭداعان ادام قايتىس بولدى. سەبەبى گيمالايدا قىسىم مەن تەمپەراتۋرا جوعارى. ەگەر ءۇندىستاننىڭ، ءۇندىستانداعى قازاقتاردىڭ تاريحىن تەرەڭىرەك زەرتتەيتىن بولساق، مەنىڭ ويىمشا، ودان دا كوپ فاكتىلەردى تابۋعا بولادى"، – دەدى ۇلتتىق قولجازبالار جانە سيرەك كىتاپتار ورتالىعىنىڭ ديرەكتورى جاندوس بولدىقوۆ.