رەسپۋبليكادا تاۋارلىق گاز ءوندىرىسى بىرنەشە ەسە ارتۋعا ءتيىس
ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن ۇكىمەت كەڭەسىندە گاز سالاسىن دامىتۋدىڭ وزەكتى ماسەلەلەرى قارالدى، دەپ حابارلايدى Almaty-akshamy.kz.
ورتالىق مەملەكەتتىك ورگاندار مەن ۇلتتىق كومپانيالار باسشىلارىنىڭ قاتىسۋىمەن جاڭا وندىرىستىك جانە ينفراقۇرىلىمدىق جوبالاردى ىسكە اسىرۋ، سولتۇستىك جانە شىعىس وڭىرلەردى گازداندىرۋ، تۇرعىنداردى، ونەركاسىپتىك نىساندار مەن كوممۋنالدىق قىزمەتتەردى وتىنمەن قامتاماسىز ەتۋ شارالار، سونداي-اق ءبىرقاتار باسقا دا ماسەلەلەر تالقىلاندى.
جۇرگىزىلىپ جاتقان جۇمىستاردىڭ ناتيجەسىندە تاياۋ جىلدارى رەسپۋبليكادا تاۋارلىق گاز ءوندىرىسى بىرنەشە ەسە ارتۋعا ءتيىس ەكەنى اتالىپ ءوتىلدى.
بۇدان بولەك، گاز شىعىنىن ازايتۋ، ونى پايدالانۋ تيىمدىلىگىن ارتتىرۋ جانە ەسەپكە الۋ شارالارى قارالدى.
تالقىلاۋ قورىتىندىسى بويىنشا پرەمەر-مينيستر قۇزىرلى مەملەكەتتىك ورگاندار مەن مۇددەلى ۇلتتىق كومپانيالارعا سالانى دامىتۋ شارالارىنىڭ ۋاقتىلى ورىندالۋىن قامتاماسىز ەتۋدى تاپسىردى.