تاڭداۋ جاساۋعا ەلىمىزدە تانىمال ازاماتتار دا كەلىپ جاتىر. تاڭەرتەڭمەن قازاقستان جازۋشىلار وداعىنىڭ مۇشەسى، ساتيريك-جازۋشى قاناعات ءابىلقايىرعا حابارلاسىپ، سايلاۋ جايىندا ويىن بىلگەن ەدىك.
«ءبىز جاڭارعان قازاقستان ەلىندە جاڭاشا ءومىر ءسۇرىپ جاتىرمىز. قازاقستاننىڭ جاڭارۋى بۇل وسىندا تۇراتىن بارلىق حالىقتىڭ، بارشا ۇلتتار مەن ۇلىستاردىڭ، ءاربىر ازاماتتىڭ ساياسي بەلسەندىلىگىنە تىكەلەي بايلانىستى.
مىسالى، سايلاۋعا «بارساق تا، بارماساق تا، ەرىكتىمىز» دەگەن ەسكىشە كوزقاراستى وزگەرتە وتىرىپ، ءاربىرىمىز: «جوق، مەن قازاقستان رەسپۋبليكاسىنىڭ ءتول ازاماتىمىن. سوندىقتان دا قانداي دا ءبىر سايلاۋعا بولماسىن تولىق قاتىسىپ، ەلىمنىڭ جاڭارا، جاسارا تۇسۋىنە ءوز ۇلەسىمدى قوسۋىم كەرەك»،-دەسەك، قوعامنىڭ جاڭارا باستاعانىنىڭ بەلگىسى.
ءيا، قازاقستاندى باسقا ەمەس، ءوزىڭىز جاڭارتاتىنىڭىزدى، ادىلەتتى قوعامدى ءوزىڭىز ورناتاتىنىڭىزدى ەستەن شىعارماڭىز. ءسىز بەن ءبىزدىڭ تاڭداۋىمىز ادىلەتتى قازاقستان ەمەس پە ەدى؟!» - دەدى ول.