بۇگىن ەلىمىز بويىنشا ءماجىلىس پەن ءماسليحاتتار سايلاۋى ءوتىپ جاتىر
Almaty-akshamy.kz داۋىس بەرۋشىگە سايلاۋعا بارعاندا نە قاجەت، نەنى ءبىلۋى ءتيىس دەگەن سۇراقتارعا جاۋاپ ىزدەپ كوردى.
قانداي قۇجاتتار كەرەك؟
ءار سايلاۋشى جەكە داۋىس بەرەتىنىن ءبىلۋى كەرەك. سايلاۋ بيۋللەتەنىن الۋ ءۇشىن جەكە كۋالىك بولۋى كەرەك. داۋىس بەرۋ تۇرعىلىقتى جەرى بويىنشا اكىمدىكتەر قۇراتىن سايلاۋشىلار ءتىزىمى بويىنشا جۇرگىزىلەدى. وعان بەلسەندى سايلاۋ قۇقىعى بار قازاقستان ازاماتتارى كىرەدى: 18 جاسقا تولعان، ارەكەتكە قابىلەتتى جانە سوت ۇكىمى بويىنشا باس بوستاندىعىنان ايىرۋ ورىندارىندا وتىرماعاندار.
داۋىس بەرۋ قالاي وتەدى؟
سايلاۋ بيۋللەتەنى سايلاۋشىعا جەكە باسىن كۋالاندىراتىن قۇجاتتى كورسەتكەن كەزدە سايلاۋشىلار ءتىزىمى نەگىزىندە بەرىلەدى. كەلەسى كەزەكتە سايلاۋشى بيۋللەتەندى العاننان كەيىن تىزىمگە قول قويادى. سايلاۋشىلار بيۋللەتەندەردى جاسىرىن داۋىس بەرۋ كابيناسىنا كىرىپ، تولتىرادى.
داۋىس بەرۋ بيۋللەتەنىندە سايلاۋشى كانديداتتىڭ تەگىنىڭ نەمەسە ءوزى داۋىس بەرەتىن ساياسي پارتيانىڭ اتاۋىنىڭ وڭ جاعىنا نە "بارلىعىنا قارسى" جولىنىڭ وڭ جاعىنداعى ۇياشىققا كەز كەلگەن بەلگىنى قويادى. سايلاۋشى تولتىرىلعان بيۋللەتەندى سايلاۋ جاشىگىنە سالادى.
داۋىس بەرەتىن ۋچاسكەنى قالاي انىقتاۋعا بولادى؟
الماتىدا Telegram-دا almaty_sailau2023_bot بار، سونداي-اق 1315 ءنومىرى بويىنشا ءبىرىڭعاي بايلانىس ورتالىعى جۇمىس ىستەيدى.
ءماجىلىس دەپۋتاتتىعىنا قانداي پارتيالار ۇسىنىلعان؟
ءماجىلىس سايلاۋىنا جەتى ساياسي پارتيا جىبەرىلدى، ولاردان 283 كانديدات قاتىسىپ جاتىر. داۋىس بەرۋگە ارنالعان بيۋللەتەنگە پارتيا اتاۋلارى جەرەبەدە انىقتالعان تارتىپپەن ەنگىزىلەدى.
سايلاۋ كۇنى نە ىستەۋگە تىيىم سالىنادى؟
سايلاۋدىڭ مىندەتتى تالاپتارىنىڭ ءبىرى - داۋىس بەرۋ ءراسىمى. داۋىس بەرۋ ءراسىمى جابىق كابينادا وتەدى، وندا سايلاۋشىدان باسقا ەشكىم بولماۋى كەرەك. قاراۋعا دا تىيىم سالىنادى. سايلاۋ ۋچاسكەلەرىندە تەك اككرەديتتەلگەن جۋرناليستەر عانا فوتو جانە ۆيدەو تۇسىرە الادى.