سايلاۋعا حالىق وتە بەلسەندى قاتىسۋدا. تاڭەرتەڭنەن وزدەرىنىڭ سايلاۋ ۋچاسكەسىنە كەلىپ، ءوز تاڭداۋلارىن جاساۋدا. ءبىز سونداي تاڭداۋشىنىڭ ءبىرى - قالا تۇرعىنىڭ پىكىرىن ءبىلىپ ەدىك.
-بۇل سايلاۋ بۇرىنعىدان وزگەشە وتۋدە. سول ءۇشىن ۋچاسكەگە ەرتە كەلىپ، داۋىس بەردىم. سەبەبى حالىق تاڭداۋ جاساپ، بولاشاعىمىزدى جاساۋىمىز كەرەك. مۇنى ناۋقاندىق باستاما رەتىندە عانا قاراۋعا بولمايدى، ۇلكەن جاۋاپكەرشىلىك، مىڭداعان حالىقتىڭ سەنىمىنە سەلكەۋ تۇسپەۋى كەرەك. ءار پارتيا وزدەرى ۇسىنعان ۇمىتكەردىڭ پارتيانىڭ عانا ەمەس، ەلدىڭ اماناتىن ارقالايتىندىعىن ءجىتى نازاردا ۇستاۋىن ەسكەرۋى كەرەك. سايلانعان دەپۋتاتتار قابىلەت-قارىمىنىڭ جەتكەنىنشە جۇمىس جاساپ، ەلمەن بىرگە قىزمەت قىلعانى دۇرىس. ءوزىن-وزى ۇسىنعان ۇمىتكەر دە ۇلكەن قادامعا اياق باسقاندىعىن، ەل باسقارۋ اسا ىقتياتتىلىقتى تالاپ ەتەتىنىن سەزىنە ءبىلۋ ماڭىزدى. ءبارىمىز دە ءوز تاڭداۋىمىزدى جاساپ، ەلدىڭ كوسەگەسىن كوگەرتەمىن دەگەن ۇمىتكەرگە داۋىس بەرىپ بارامىز،- دەدى عايني يسكاكوۆا.