بۇگىن «ءۇمىت» ستۋدەنتتىك تەاترلاردىڭ ءىى رەسپۋبليكالىق فەستيۆالىنىڭ جەڭىمپازدارىن ماراپاتتاۋ ءراسىمى ءوتتى. 29 قاراشا-1 جەلتوقسان ارالىعىندا وتكەن بايقاۋعا قازاقستاننىڭ تۇكپىر-تۇكپىرىنەن 11 تەاتر ۇجىمى قاتىستى، دەپ حابارلايدى Almaty-akshamy.kz.
ونىڭ ماقساتى – جاستار شىعارماشىلىعىن قولداۋ، ستۋدەنتتىك تەاترلاردى ناسيحاتتاۋ، ۋنيۆەرسيتەتتەر اراسىنداعى ىنتىماقتاستىقتى نىعايتۋ.
فەستيۆال قورىتىندىسى بويىنشا، ءبىرىنشى ورىندى ماحامبەت وتەمىس ۇلى اتىنداعى باتىس قازاقستان ۋنيۆەرسيتەتىنىڭ «مۇراگەر» ستۋدەنتتىك تەاترى يەلەندى. ەكىنشى ورىن م.س.نارىكبايەۆ اتىنداعى قازاق گۋمانيتارلىق زاڭ ۋنيۆەرسيتەتىنىڭ «SINTEZ» تەاترىنا بۇيىردى. ءۇشىنشى ورىندى تۇران ۋنيۆەرسيتەتىنىڭ «TeART Turan» شىعارماشىلىق توبى جەڭىپ الدى.
ءبىرىنشى ورىن ءۇشىن جەڭىمپازدار 300 000 تەڭگە، ەكىنشى ورىن ءۇشىن 200 000 تەڭگە، ءۇشىنشى ورىن ءۇشىن 100 000 تەڭگە كولەمىندە اقشالاي سەرتيفيكات الدى.